قصة حلم حياتي زوج ملتزم
الفضل لحضرتك بعد ربنا طبعًا، بس خايف من الرياء، خايف أحب مدح الناس في صوتي واجتماعهم حولي فنيتي تتغير، وبدل ما أتعلم لوجه الله، أتعلم عشان أكسب مدح أكتر من الناس.
كلام شمس كان كلام رجل عنده على الأقل ٢٥ سنة عشان يفكر بالطريقة دي، بس شمس العلم هذبه وعلمه، مافيش حد بيحفظ القرآن بتفسيره، والعدد الهائل دا من الأحاديث، ال وعقله يكبر ويسبق الأحداث وسنه والمنطق ذات نفسه، لكني مكنتش متوقعة بردو يفكر بالطريقة دي.
كنت شايفة إن شمس الدين هيكون له من اسمه نصيب، خاصةً الحرب القائمة على الإسلام من كل جهة، حتى من بعض المسلمين أنفسهم!
شمس كبر وعنده ١٢ سنة وبيفكر في الإخلاص في العمل وخايف! ودا لأنه بيقرأ كتير في سير أعلام النبلاء وسير السلف الصالح كله وصولًا للنبي صلى الله عليه وسلم.
=اممممم، طيب يا شمس.
بس عمرك شوفت واحد بيسرق وبيقول جوا نفسه: خايف السرقة تكون حرام؟
_ لا طبعًا، السارق بيكون له حال من اتنين، يا إما مُستحل ال بيعمله دا، والإستحلال دا مش هيجي غير لأنه ضميره ونفسه اللوامة عليه ماتت خلاص، يا إما الحال التاني وهو إنه بيعمل كدا وهو عارف إنه حرام.
خوفه دا دليل على إخلاصه، لأن المُرائي دا مش بياخد باله يا بني إنه مرائي أصلًا!
_ طيب أعرف إزاي إني مش مرائي فعلًا؟
= سؤالك وهمك ال ظهر عليك دلوقتي وأنت بتتكلم في المشكلة دي، لأنك لو مرائي مكنتش جيت ولا سألت، خاصةً إن المُرائي دا، لو حد قاله إن ال بيعمله دا رياء، هينكر تمامًا، فما بالك واحد بيتهم نفسه!
وعايز تعرف إنك مش مرائي، لما تلاقي نفسك مش بتهتم بمدح الناس ولا قدحهم وبتقول الحق ولو على رقبتك، وليرضى من يرضى وليسخط من يسخط، ومش بتدلس على دينك، وإياكِ في يوم يا شمس تكون من شيوخ السلطان!
يتبع....
البارت الرابع
سفيان الثوري فضل هربان ٢٥ من السلطان عشان كان عايزه معه!
ودي فتنة عظيمة يا بني.
= هو لي مكنش ينفع تكوني أمي بجد! أنا بتغم وبحزن كل ما أفكر إنه لما أكبر من هقدر أقبِّل يدك وهتكون بيننا حدود ومسافات.
نهرته بسرعة وغضبت عليه وقولت له:
