رواية خلقت لاكون له ويكون لي قصة رائعة جدًا ومشوقه

بصوا انا كلمتين كمان معاه وهحن مش فارق معايا انه فهمني وشافني على حقيقتي قد ما انا فارق معايا انه مصمم يفضل موجود برغم كل
التشوهات إللى فى روحى 
_ انت شفت كل حاجه 
_ كل حاجه
_ وعايز تكون معايا بجد 
_ انا مش بهزر والله انا فعلا بحبك وعايز افضل معاكى لآخر العمر 
_ بس انت عارف أنه صعب انا مش أى حد يقدر  يتعامل  معايا  ومحتاجة..
_ محتاجه تطمنى  انى مش هسيبك   وهفضل معاكى ونبقى صحاب ولو زعلتك هصالحك حتى لو كنت انتى الغلطانه
_عمر انا مش اعرفك
_سهله اعرفينى 

_ خايفه اعرفك 
ابتسم وقال بهدوء _
وانا بقرأ في كلامك كنت حاسس قلبي بيجراله حاجه، بصي كان في فرح جوايا وحاسس قلبي بيزغزغني كده بخفه كنت بشوف الكلام وانا باقول هوا  فعلا فيه حد بالشكل ده هي ازاي قدرت تتحمل كل ده لوحدها فبصراحه قررت علشان انا قلبي طيب يعني بعد معاناه مع نفسي اظهر ولا افضل  اراقبك من بعيد وخلاص قررت ان اظهر واشيل معك في الهم ده انا اصلا طيبتى  مودياني في داهيه طول عمري
_ يراجل!
_ قلب الراجل من جوا
_وانت ايه يضمنلك ان دى انا فعلا
_ لا ما انا مش غبي كنت باجي هنا كل يوم اشوفك وانت قاعده مع وعد صاحبتك وانتم بتتكلموا فبلاقيكى بنفس الهيئه اللي وصفتيها وبعدين هتكذبي في حاجه زي دي ليه يعني ما هو ما فيش حد في الشات غيرك انت ونفسك !
ابتسمت على كلامه سبت الروايه وطلبت عصير مانجا شويه وجه العصير واشتغلت ام كلثوم وهي بتقول "وقابلتك انت لقيتك بتغير كل حياتى " فابتسمت وبصيت له تاني وهو بيقول
_ الصدف دي غريبه جدا
ضحكت_ بجد

_ وحياتك
_ وانت تعرفني عشان تحلف بحياتي
_هوا انا اه عارفك بصراحه
_ بس  انا مش اعرفك 
_ سهله اعرفينى
_ تانى يا عمر
_مهو اصل العمر لحظة والحلوفه مش ملاحظه
رديت بعصبيه_انا حلوفه!
_ انتى قمر.... ابتسم  وفضلت عينه عليا، باين عليها القوه والثقه، وانا حقيقي نقطه ضعفي الشخصيات الواثقه من نفسها انا حاسه اني في حلم هو شاف الشات ده كل حاجه بيني وبين نفسي شاف محتاجه ايه شاف ازاي عايزه صدفه غريبه وقويه تغير حياتي شافى اني محتاجاه

هتعمل ايه تانى يا عمر، انت قدرت تهد اقوى حصار بيحمى قلبى  لقيته اتكلم 
_ وافقى وانا معاكى وهطمنك 
وحياتك عندى جربى مش هتخسرى حاجه ومش هكون نسخه للناس إللى خذلوكى هكون ملجأك وقوتك وامانك وقت ضعفك وقت تعبك، مش محتاجه تخبى وتدارى انا بقيت حافظك  وفاهمك وعارف انك عانيتى كمان وجِه وقت انى أظهر فى حياتك إنى اطمنك والحقك قبل ما تعملى جريمة 
_ جريمة ايه 
_ تشربى قهوة سادة وانتى مش بتحبيها اصلا ليه تعملى كدا يا روز 
_ تغيير أو يمكن علشان عايزه اجرب احساسها
كان فى  مقولة بتقول" ان وقت ما تقدري تتحملي مراره القهوه تاكدي انك مريتى بالاصعب"  القهوه مش بنحبها لإنها معروفه وليها اسم زي ما بيقولوا احنا بنحب القهوه لانها بتحس بينا كإنها بتطبطب  علينا وبتقول لنا ياه للدرجه دي اتحملتو!