رواية خلقت لاكون له ويكون لي قصة رائعة جدًا ومشوقه

_قلتلك لا انت غبى 
_بصى هى غبى دى جديده عليا لأن الكل عارف انى ذكى كدا ولميح 
_ وايه ؟!
_  لميح، بلمحها وهيا كدا وعمل حركه بصوابعه
فابتسمت بعدها حركت دماغى بيأس ومش مقتنعه انه فعلا عارف كل حاجه عنى أو  بصوا هوا انا مش مقتنعه اصلا 
هوا هيسيب كل البنات الجميله واللطيفه إللى على الكوكب وهيجى يحب  واحده زيى 
_ بتفكرى فيا، والله يا بختى
_  اخلص يا عمر وقول عايز ايه 
_ قلبك  
_مش فاضى والله محجوز
_لمين! ها قولى لمين!؟ دا حتى آخر كلام انتى بعتيه فى الشات امبارح انك منتظرة الفارس إللى هيقتحم وحدتك

_عارف يا عمر انا مش مندهشه انك عارف كل اللي انا كتبته ولا زعلانه من اقتحامك  لخصوصياتى انا عايزه افهم لما انت متابعني بقالك فتره على حسب كلامك يعني ظهرت دلوقتى ليه!
_علشان حسيت انك عايزه الفارس بتاعك يظهر
_وانت بقا الفارس دا! 
عدل قميصه بغرور _ أيوه
_جتك أوه

_ واهون عليكى يجميل وكمان عيب بنوته جميله زيك كدا يا روز وتقول جتك أوه والكلام دا
_عمر
_يقلبه
_قوم من قدامى حالا 
_  ولو مش قمت
_ياربى  بقا هيجبلى الضغط
_من ايه يقلبى
_وجع فى قلبك انت يبنى مجنون
_ لا انا عمر 

هزيت دماغى بيأس،انا مش عارفه اعمل ايه علشان اخلص منه، الحقيقة  هوا انا مش عايزه اخلص منه اوى يعني،  الراجل لطيف لا هو بارد  بس مش عايزاه يمشى لا عايزاه يمشى روز فوقى ارجوكى.
_طيب بصي انا عارف انك مش بتحبى القهوه الساده وعارف كمان انك مش من عشاق السكون وعارف كمان انك محتاجه حد يقتحم حياتك ويكون قوي شبهي كده
_وانت بقا قوى!
_ جدا دا انا اعجبك قوى 
_ مش واضح يعني
_ هعتبر نفسى مأخدتش بالى من كلامك،انتى ليه طلبتى قهوة سادة  
_ خليك فى حالك
_ انتى حالى 
_ صبرنى يااارب 
_ على ايه بس