رواية كيد النساء وقهر الرجال لكاتبتها منى محمود

وانتي مين قالك انك هتشتغلي اصلا عشان تدوري كدة منك ل نفسك
منار 
_ ومشتغلش ليه يا بابا انا زهقت من قاعدة البيت ونفسيتي تعبانة الشغل هيفديني جدا الفترة دي
صلاح برفض 
_ مفيش الكلام دا انسي انتي وضعك دلوقتي مختلف دا اولا ثانيا الحمد لله انتي مش محتاجة لاي شغل ف انسي الموضوع دا وطلعيه من دماغك نهائي ويلا تعالي كملي فطارك يلا
منار اتنهدت بارتياح أنها قدرت تغير الموضوع وتشيل الشك من دماغ ابوها قعدت تاني علي السفرة وعينيها جت علي مصطفى اللي بيبصلها بتركيز وشك كبير وترها جدا وافتكرت الموقف اللي حصل بينهم قبل كدة وبدأت تتوتر وتخاف تاني خصوصا انها لحد دلوقتي مش عارفه هترد علي صاحب الرسائل تقوله ايه
في الجامعه هند دخلت بهدوء تحضر المحاضرات بتاعتها والاء راحت علي الكفيتريا عشان تقابل اميرة وفعلا عشر دقائق وكانت اميرة وصلت
اميرة 
_ هاي يا حب اتاخرت عليكي
الاء 
_ هاي يا قلبي لا ولا يهمك ايه الاخبار
اميرة 
_ تمام علي حطة ايديك نو جديد وانتي 
الاء 
_ انا كمان علي حطة ايديك مفيش غير حوار بابا دا اللي معصبني اوي ومش عارفه اعمل فيه ايه وماما شكلها جايب ورا كدة ومش هتتدخل
اميرة 
_ دا انا كنت لسه هقولك الامل في ماماتك
الاء كشرت 
_ لا يا ختي ماما سكتت خالص والكلام جه علي هواها
اميرة 
_ ممممم طب ما تجربي تسخنيها كدة
الاء بعدم فهم 
_ اسخنها ازاي مش فاهمه
اميرة 
_ يعني كلمتين كدة زي هو بابا جاي يغير ليه نظام حياتنا ما انتي طول عمرك يا ماما ممشيه البيت كويس والكل بيحلف باخلاقنا وتربيتنا هو ليه جاي يغير كل دا هو ليه مش عجبه طريقتك وأسلوبك في تربيتنا انتي مفروض تتكلمي كدة يعني كلمتين يسخنو ماماتك تقوم تدب خڼاقه مع باباكي ف ينشغلو بخناقتهم سوا ويسيبوكي في حالك
الاء بتفكير 
_ ولو عملت كدة وبدل ما ينشغلو ببعض دخلو في تحدي مين كلمتة تمشي ابقي انا كسبت ايه
اميرة 
_ انتي وقتها هيكون عندك احتمالين يا اما ماماتك ال كلمتها تمشي وتكسب وكدة انتي تبقي مشكلتك اتحلت ياما باباكي اللي كلمتة تمشي وقتها مش هتبقي خسړتي لانه من دلوقتي بالفعل عايز يمشي كلمتة ف امسكي ف فرصتك ومتضيعهاش علي الاقل نحاول لآخر وقت مش نستسلم كدة من اول مرة
الاء 
_ ممممم فكرة حلوة اوعدك اول ما نروح البيت هنفذها
اميرة ضحكت 
_ اشطا عليكي وانا واثقه انك لو اتقنتي الدور وشعللتي ماماتك كل حاجة هتبقي تمام
الاء لسه هترد عليها اتفاجات ب هند خارجة تجري من المبني اللي فيه المدرجات وبتعيط جامد ندهت عليها كزا مرة لكن هند كانت بتحري جامد ودموعها نازله جريت الاء وأميرة في الاتجاة اللي هند بتجري فيه
هند ركبت العربيه وحاولت تشغلها بس كانت أعصابها بايظة وبتعيط باڼهيار فضلت تخبط علي الدريكسون جامد في الوقت دا وصلتلها الاء وأميرة وركبوا العربيه
الاء بقلق 
_ في ايه بټعيطي كدة ليه انتي كويسه فيكي حاجة طيب ردي عليا يا هند في ايه 
اميرة بتوتر 
_ الاء اهدي متتعصبيش عليها بليز بصت ل هند بتعاطف نودا في ايه ضايقك أو تعبك حبيبتي اتكلمي
هند مبتردش بټعيط بصوت عالي خلاهم الاتنين اتوترو ومش عارفين فيها ايه او يتصرفو ازاي
اميرة 
_ وبعدين طيب هنسيبها كدة 
الاء بدموع بتلمع 
_ م مش عارفه بجد مش عارفه
الاء لما حست انها مش عارفه تتصرف اتصلت على عاصم هو الوحيد اللي جه في بالها في الوقت دا
عاصم كان في مكتبه مطبق باله يومين علي قضيه مهمة مش عارف يحلها
كان مسترخي علي كرسي مكتبه ومرجع رأسه ل ورا ومغمض عينيه ويادوب راح في النوم تلفونه رن بالنغمة اللي مخصصها ل عيلته
فتح عينيه بارهاق وبص اتفاجا ب رقم الاء رد بسرعه
عاصم بقلق 
_ الو
الاء پبكاء 
_ عاصم الحقني ارجوك
عاصم اتنفض من علي الكرسي 
_ في ايه انتي كويسه انتي فين 
الاء 
_ ا انا كويسه هند بټعيط باڼهيار ومش بترد عليا وعماله تخبط علي الدريكسون بتاع العربيه ل درجة أن ايديها ورمت خالص وانا مش عارفه اسكتها ولا حتي اعرف مالها مش عارفه اعمل ايه
عاصم 
_ انتم فين بالظبط يا الاء
الاء 
_ احنا في الجامعه .. هبعتلك لوكيشن ولا اعمل ايه 
عاصم وهو بيتحرك من مكتبه 
_ طب حاولي تركبي مكانها وتسوقي انتي واطلعي من عندك
الاء 
_ حاولت والله حاولت بس هي كأنها مش سمعاني يا عاصم مش سمعاني ولا شايفاني حتي حالتها صعبه اوي
عاصم وهو بيركب عربيتة 
_ تمام يا الاء ابعتيلي لوكيشن وانا قريب من جامعتك اصلا هوصلك بسرعه أن شاء الله
الاء 
_ اوكي يا عاصم
قفلت معاه وبعتتله لوكيشن وحاولت تاني هي وأميرة أنهم يوقفو هند من حاله الاڼهيار اللي هي فيها لكنهم فشلوا
بعد