روايه معشوق الروح لكاتبتها ايه محمد رفعت
بعد المخدر القوى دا مكنتش هتبقى فى واعيك عايزك تنسى الا فات وتركز فى حياتك يا طارق .
قال باستهزاء_أركز أزاي !! أنا بشوفها أدامى ليل نهار مش قادر أنسى شكلها خالص .
رد وقال بجديه
_بعد الجامعه تعال المقر أشتغلك كام ساعة وأوعدك هتتهد خالص من التفكير
إبتسم بفرحة وقال _بجد !
بصله بنظره فبلع جملته وخرج بسعاده .
پخوف _هو أنا ممكن أتجوزها يا يزيد
بصله يزيد پصدمة فمكنش في خياله انه اخوه كبر للدرجه دي .
والمشكله التانيع ازاي هيعرفه انها الوقتي مراته . معرفش يخرج صوته من صډمته ففهم طارق انه طلب حاجه مستحيله ومشي لاوضته بهدوء
....فضل يزيد متخشب مكانه من التفكير .
وشاف نفسه غلطان وانه كده بيعصي ربه وخد قرار انه لازم يقابلها ويتكلم معاها ...
دخل فراس الاوضه الملانه
بالأجهزة الطبيبه وشاف الست اللي خدمتهم لاكتر من تلاتين سنه على فراش المۏت
وجعه قلبه كان مفكر ان حالتها مش سيئه كده فقرب منها لما شاورتله بدموع وقالت بضعف _تعال يا فراس.
قرب منها وشد الكرسي وقعد قريب منها غلشان يقدر يسمع صوتها الضعيف .
_أنا بخدم أبوك من أكتر من تلاتين سنة من لما كان فى مصر وسافر المغرب أتجوز مغربية وعاش معاها هناك وأنا كنت بخدمهم على طول بس المشاكل بينهم مكنتش بتخلص .
زاد تعبها فقال فراس بسرعه
_مش مهم أرتاحى وكملى بعدين
أبتسمت وقالت برضا _معتش فى بعدين يابنى أسمعنى الله يكرمك .
_المشاكل كانت بسبب الخلف فأبوك قال أنها مش بتخلف وعمل مشاكل كتيرة اوى ونهايتها أنه اتجوز نوال
قال بستغراب _بس بابا متجوزش غير أمى ونوال معنى كدا أن الجوازة الأولنية من أمي
ردت بتعب شديد وقالت _مش امك يا فراس .
قام من مكانه وقال بعصبيه
_أيه الكلام الا بتقوليه دا .
شدته وقالت برجاء _مفيش واحدة هتقابل وجه كريم وهتكدب يابنى سبنى أقولك الباقى .
_ أول لما عرفت أنه أتجوز عليها أنهارت وطلبت الطلاق ابوك مرضاش يطلقها فسبتله البيت ومشيت نوال فضلت عايشه مع أبوك سنة من غير عيال عمري ما هنسى الا حصل فى اليوم دا .
_كان أبوك مسافر مهو شغله كله سفر نوال اختفت من البيت لمدة أسبوع وكانت منبها عليا أن لو أبوك أتصل أنى أرد وأقول أنها تعبانه مش قادرة تتكلم.....بره ...فى الحمام المهم أنه ميعرفش حاجه عن أختفائها وبعد ما الأسبوع خلص لقيتها رجعه البيت بطفل صغير لسه مولود ويومها دخلتلي المطبخ ونبهت عليا أنى مش أجبله سيرة أنها كانت بره البيت المدة دي وأنى اقول أن مراته الأولى جيت البيت ورمت الطفل دا .
_وبعدين
قالها پخوف من اللي هتقوله .
فقالت بصوت متقطع_لما ابوك رجع وأتفاجئ بيك قالتله أن مراته جيت هنا ورميتك وقالت خاليه يطلقنى وأنا هتنزل عن حضانة الطفل أبوك كان طاير من السعادة انها كانت حامل وفورا نزل طلق مرأته الأولنية وكتبك بأسمه وبأسم طلقيته لأنه راجل عادل مسمعش كلام نوال وكتبك إبنها
وفاتت السنين والسر متغطى لحد ما بقى عندك 18 سنة أبوك كتبلك جزء من أملاكه وجزء لنوال بس بعد الا حصل نقل أملاكه لدار أيتام كأنه كشف حقيقتها
رد بلهفة وقال _حقيقة أيه
قالت بتعب بيشتد عليها _معرفش يابنى كل الا أعرفه انه عرف أنه مش بيخلف فلما راح أتهم طليقته بأنها خاېنة لقاها متعرفش حاجة عن الطفل فالشكوك راحت لنوال واجهها والغريبة أنه أتقتل تانى يوم بس طبعا بعد ما اخد الأملاك منها وأنت سابلك شركة واحده فى المغرب الا نوال أخدتها منك معرفش أزاي !.
قال بزهول _يعنى أنا إبن مين !
ردت وقالت بيأس _مش عارفه يابنى بس الا أعرفه أن بعد مۏت أبوك لما عرفت أنها على الحديدة نزلت مصر لأهلها لكن انت إبن مين الأجابة عند نوال نفسها لأنها مش هتستفاد حاجه لما تجيب طفل من الملجئ تربيه أعتقد أن الموضوع أكبر من كدا ..
سند ظهره لورا پصدمه مكنش قادر يتحرك .
وسوال بيتردد في عقله مين هو ومين عليته لحد ما طلع علي الطياره اللي رجعه مصر .
..
في قصر نعمان .
صحي يزيد من نومه بدل هدومه وراح للشركه وهو بيسال نفسه هتيجي الشركه ولا هتنتهي قصه لسه مبداتش.
طلع لمكتبه لقاها قعده علي الكرسي اللي قدامه .اترسمت ملامح الفرحه علي وشه .
كانت محرجه من بصاته ليها فقالت بعمليه مزيفه
_الملفات أترجعت كويس جدا على فكرة
إبتسم وقال بثبات _ هشوف بنفسي.
قعد علي مكتبه فقالت بضيق قبل ماتخرج
_أه على فكرة أنا جيت هنا عشان أقولك أنك مغرور جدا .
خلصت كلامهاو خرجت فرسم ابتسامه علي وشه تعلن انها احتلت قلبه ..
.جريت لبرا فخبطت في طارق بعد مافاق الصبح ولحق اخوه علشان يستلم الشغل اللي قاله عليه ...
في بيت محمود
صحي من نومه علي صوت رساله من يزيد
الشركة مش زي الجامعه يا دكتور معاك 10 دقايق وألقيك هنا والا أنت الجانى على نفسك
قرا الرساله وجري علي الحمام بضيق وهو بيقول _وأنا كان مالي ومال أم الشركات هو أنا فالح فى الجامعه وطلابها لما أروح الحسابات منك لله.
حضرت فاتن الفطار لكن محمود خرج بسرعه ورفض يفطر .فدخلت لاوضه ليان وعرفتها انها راحه تزور احتها لانها مريضه ومش هترجع غير بليل .
ومشت فاتن وسابت ليان تواجه مصيرها علي ايد الحقېر اللي عرف من رجالته ان البيت فاضي ومافيش غيرها ...
_________
٣١١ ٥٥١ م Dina معشوق_الروح
الفصل_الثامن
اتفجات بيه قدامها .فقال بهدوء
_مش تخلى بالك
زعقت بعصبيه وقالت _أفندم !!
بعد طارق عنها وقال باستغراب
_على فكرة أنت الا خبطى فيا مش العكس !
رفعت ايدها علي وسطها وقال بعصبيه اشد
_ودا يديك الحق أنك تلطش بالكلام مع خلق الله .برق من المجنونه اللي واقفه قدامه فقال بسرعه علشان يخلص منها
_أنا أرتكبت خطأ فاحش وبعتذر جداا ومتكفل بأى تعويضات مادية ومعدنية .
اڼفجرت من الضحك لما سمعته وقالت بصعوبه
_لا حلوة بس حضرتك عارف أنت بتكلم مين
رجع شعره لورا وقال بحيره
_فى الحقيقة لا بس أحب أعرف .
رقبت المكان حوليها وقالت بصوت واطي _أنا سكرتيرة الغوريلا الا جوا دا .
كتم ضحكته وقال
بجدية مصطنعه _يا راجل .
شاورت براسها بتاكيد فكمل كلامه وقال
_بس أنا على حد علمى أنه أسمه غول !
قالت بضيق _غول ولا غوريلا كلهم وحوش بالنهاية
ردبتأكيد _معاك حق والله .
ردت بسوال وقالت _مقولتليش بقا أنت مين
إبتسم إبتسامة واسعة وقال _أخو الغوريلا أو الغول مش هتفرق على رأيك .
اټصدمت وجريت علي مكتبها .
إبتسم طارق بسخرية وكمل طريقه لجوا ..
في بيت محمود
قعدت علي السفره بملل .لانهم خرجوا .
طلعت موبايلها تلعب فيها .حست ان فيه حاجه
