قصة يتيمين جميلة جدا
تستيقظ ريحانة ( اخت حورية ) على صوت زهرة تأتى اليها مسرعة
زهرة بخوف: ريحانة كل دا نوم المعلمة كل شوية تسأل عليكى وانا اقولها دى تعبانة اعملى بقا اى حركة كدا تبين انك تعبانة عشان متنفخناش احنا الاتنين
ريحانة: يوة احنا كل يوم فى الصداع ده امتى ربنا يتوب علينا من الشغلانة دى بقا والنبى يا ابلة زهرة قوليلها انى مش عاوزة اوزع بضا*عة النهاردة
زهرة بخوف: انتى مش عارفة عقاب اللى مبيشتغلش ايه
تذكرت ريحانة بخوف عندما كان احد زملائها مريض ولم يقدر ان يذهب للشغل حينها اتت بالس*وط وجلد*ته به
فاقت من شرودها على صوت زهرة تقول لها: يلا بلاش تأخير
هزت رأسها بخوف: لا وعلى ايه كل دا الطيب احسن
المعلمة بنبرة مرعبة: كل دا نوم يلى تنام عليكى حي*طة
ريحانة بتمثيل: بطنى كانت وجعانى يا معلمة بس هروح الشغل متقلقيش فين نصيبى عشان اوزعه
المعلمة بتحذير: دى اخر مرة فاهمة يا مقصوفة الرقبة خدى يلا والفلوس تكون اكتر من المرة الل فاتت فاهمة
ريحانة: حاضر يا معلمة اللى ربنا يقدرنى عليه هوزعه
المعلمة: يلا غو*رى من وشى
فى فيلا زاهر بيه
تنام حورية بسخاء على سرير من الحرير بجانب لعبتها الجميلة فى غرفة رقيقة باللون الوردى
تستيقظ بانزعاج على صوت والدتها تفتح الستائر لتسمح بأشعة الشمس الدخول لازعاج هذه الأميرة النائمة
سرية بلطف: حور حبيبتى يلا يا روحى عشان انكل عماد (السواق) يوديكى المدرسة عشان متتأخريش
حورية بانزعاج: شوية بس يا مامى عاوزة انام
سرية: يلا عشان خاطرى يا حورى عشان بابا يجبلك القطة اللى انتى عاوزها لو طلعتى الاولى زى كل سنة
قفزت حورية من عل السرير
حورية بحب: صباح الخير يا مامى وباستها من خدها بجد يا مامى اخيرا هيوافق انى يجبلى القطة مش عارفة هو مش بيحبهم ليه دا حتى كيوت اووى
سرية: هو بباكى كده مش بيحبهم ويلا بلاش كسل عشان تروحى المدرسة
حورية بحب: اوك يا مامى
ارتدت ملابسها ثم نزلت احتضنت والدها وباسته من خده
حورية: سورى يا بابى عشان متأخرة اما اجى من المدرسة هنعقد مع بعض كتير
زاهر: ولا يهمك يا قلب بابى اما تيجى انا عملك مفاجأة
حورية بحماس: بجد والله طب تشاو دلوقتى يا بابى اشوفك اما اجى واشوف السير بريز اللى حضرتك عملهالى
قام عماد بتوصيل حورية الى المدرسة ثم ذهب
فى الاصلاحية
