قصة يتيمين جميلة جدا
عثمان: لا يا باشا دى بنت
زاهر: مش مشكلة اهم حاجة حلوة وتنفع
عثمان: اعتبرها بنتك يا باشا الف مبروك تتربى فى عزك عدنان جايلك بيها دلوقتى شوفها وقولى رأيك
زاهر براحة: ماشى ي عثمان ونسبتك محفوظة
عثمان: خير سابق يا باشا مع الف سلامه
زاهر: سلام
وصل عدنان عند زاهر بيه
نادى زاهر على زوجته سرية هانم واخبرها بكل شئ
سرية بفرحة: بجد يا زاهر يعنى هيكون لينا بنت وتقولى يا ماما والعبها واسرحلها وأكلها
زاهر بفرحة: ايوة يا حبيبتى
دخل عدنان فيلا زاهر بيه حاملا الطفلة الصغيرة بين يديه والاخرى مع سائق التاكسى
عدنان: بنت ساعتك يا زاهر بيه تتربى فى عزك
عندما رأها كلا من زاهر بيه وسرية هانم انشرح صدرهم الى هذه الملاك البريئة
ضمتها سرية الى صدر*ها بحنان: خلاص يا زاهر انا قلبى ارتحلها انا حاسة انها بنتى خلاص
زاهر بفرحة لرؤية زوجته سعيدة: خلاص يا حبيبتى بس هنسميها ايه
سرية: انا هسميها حورية
عدنان: مبروك يا هانم ربنا يخلها لك
زاهر استنى يا عدنان وكتب له شيك بمليون جنية
اخذ عدنان الشيك بسعادة وذهب
وصل الى بيته واخذ الطفلة الاخرى واعطها لزوجته وقص لها ما حدث
عدنان: خدى يا ولية خلى البت دى عندك اما اقولك هتيها وانا رايح اودى الفلوس دهى للبوص
ادينا طلعنا بمصلحة حلوة يا بومة
اخذت زوجته (رباب) الطفلة بخبث: هات يا خويا دا فى عنيا الاتنين
■يا ترى مصير الطفلة التانية هيكون ايه
أخذت رباب الطفلة بخبث فور خروج زوجها وضعتها على السرير ثم قامت بتغطية وجهها جيدا
رباب: معلش بقى يا بنتى مضطرة اعمل كده جوزى بخيل ومش بيدينى فلوس ومضيع كل فلوسه على الكيي*ف والحش*يش انا هقبض تمنك كل شهر وادلع بيه نفسى ثم ارتدت عباءة سوداء وحجاب اسود وقامت بتغطية وجهها جيدا واخذت الطفلة وخرجت خفية من المنزل
فى مكان بعيد عن الانظار (منطقة شبه مقطوعة )
تسير رباب بخوف تصل الى هذه الاصلاحية المهجورة تطرق على الباب بتوتر فتسمع صوت امرأة من الداخل تسمح لها بالدخول
نفيسة ( امرأة ذات وجه مخيف ): انتى مين وعاوزة ايه ووصلتى هنا ازاى ؟
رباب بارتباك: انا سمعت عنك ي يعنى انك بتاخدى العيال اللى ملهاش اهل بتربيهم وبتشغليهم معاكى ف ال. ال م مخد*رات وانا معايا بنت يتيمة وملهاش اهل وانا مش هقدر اربيها واصرف عليها ف عاوزة اسيبهالك واخد نصيبى كل شهر منك اللى يطلع من زمتك هاخده اصل احنا فقرا والعيشة على القد وانتى ربنا يزيدك من نعيمه
نفيسة بتفكير: ممم انا هاخد منك البنت بس ان جيبتى سيرة لحد انك بعتيلى البنت دى او حتى قولتى لحد انك جيتى هنا اصلا ساعتها نهايتك هتكون المو*ت وانا هدفعلك فيها ٤٠ الف جنية بس مش دفعة واحدة طبعا كل شهر تجيلى من غير م حد يعرف طبعا هدفعلك ٢٠٠٠ جنية واما يخلصو مشوفش وشك هنا تانى خالص وتنسى البنت دى خالص فاهمة
رباب بتوتر: فاهمة فاهمة
نفيسة: ودلوقتى خدى ٢٠٠٠ جنية دول وسيبى البنت ويلا من هنا مشوفش وشك غير بعد شهر فاهمة
اخذت رباب الفلوس وفرت هاربة
نفيسة لأكبر بنت من البنات اللى عندها: زهرررررة
زهرة بخوف فور سماع صوت نفيسة: ا أ ايوة يا معلمة تؤمرى بحاجة
نفيسة: خدى البت دى اعتبروها راس جديدة عشان لما تكبر شوية تتعلم الصنعة ونامو بدرى عشان اللى بتعملوه كل يوم وشوفو هتسمو البت دى ايه
زهرة بطاعة: حاضر يا معلمة
فى فيلا زاهر بيه الجيزاوى
دخل زاهر على زوجته وجدها تقوم بتبديل ملابس حورية
زاهر بحب: مبسوطة يا حبيبتى انا شايفك من ساعة م حورية جات وانتى مبتسبيهاش لحظة من ايدك ومحتارة تعمليلها ايه ولا ايه
سرية بدموع فرحة: انا فرحانة اووى يا زاهر اول مرة اعرف ان شعور الامومة دا حلو اوى كدا
احتضن زاهر كلا من سرية وحورية بحب: ربنا يخليكو ليا يا اغلى ما املك ويبارك فيكى ي حورية وتكبرى كدا عشان اسمع منك كلمة باابا
رجع عدنان من عند البوص ( عثمان ) وجد زوجته تبكى وليس معها الطفلة
عدنان بخضة: ايه يا ولية بتعيطى ليه وفين البت
رباب بتمثيل وكذب: البت اتخطفت يا اخويا فى اتنين مغطين وشهم جم كسرو عليا الباب وانا نايمة وحاولو يتهج*موا
عليا وخدو منى البت بالعافية
عدنان بفزع: نهار اسود اتخطفت دا لو البوص عرف انها اتخطفت ممكن يطير رقبتى دا مبيرحمش بس مين ممكن يعمل كدا ؟!
رباب بتمثيل: وانا ايش ضرانى يا اخويا
عدنان: دا مصيبة وحلت على دماغى انا استر يا رب
امسك هاتفه بيد مرتعشه وقام بالاتصال على البوص
عدنان بتوتر: الو يا عثمان بيه
عثمان: خير يا عدنان
عدنان: يا باشا فى خبر مش ولا بد
عثمان: انطق ي عدنان اخلص
