روايه سيف لكاتبتها كريمه حماده
لا معرفش حد بالاسم دا ولا نادية جابت سيرتها كمان
عمر بترقب متأكدة
اومأت بنعم وهو قال بحذر
نور ... متحاوليش تلعبى بيا أو تستغفلينى عشان صدقينى هتندمى
نورا ببرود
نورا .. أسمى نورا وليست نور يا عمر بيه وانا لا بلعب بيك ولا بستغفلك ولو عايز تعرف مين نادين اللى بتسال عليها دى يبقى اسال نادية عليها مش انا
ردك ايه ست رباب على موضوعنا
خدى وقتك يا ست رباب
_ هو انت ليه بتقولى يا ست رباب دى
عشان انتى ست الناس كلها هنا ... ولأنك غالية عليا يا ست رباب
اتكسفت رباب من كلامه وابتسمت بهدوء وسابته ومشيت ... اتنهد بعمق وقال
ربنا يهديكى يا رباب وتوافقى ..
مالك يا نسرين .. ساكتة ليه
ها .. لا مفيش حاجة انا بس مصدعة شوية
الف سلامة عليكى تحبى نروح وترتاحى
نسرين
لا لا مش للدراجاتى يعنى .. متخافش انا كويسة
طيب مقولتيش رايك فى الفستان ايه والمطعم كمان
نسرين بإعجاب
زوقك حلو يا احمد والمطعم كمان راقى وهادى وحلو كدا
حلو زيك يا نسرين
شكرا اوى
احم .. نسرين كنت حابب اقولك حاجة
_ اتفضل
انا مسافر بعد كم يوم لأمريكا .. شغل هناك يعنى هقعد كد شهر وهرجع إن شاءالله
ابتسمت نسرين بتوتر وقالت
اها ..
ترجع بالسلامة إن شاءالله
نسرين ... انا عايز اطلب ايدك ونتجوز
نسرين پصدمة
ها .. قولت ايه
بصراحة أنا معجب بيكى ومتشدلك اوى .. ممكن
بقى باعت عمر لنورا عشان تعرف منها مين نادين يا آدم
_ لعبة القط والفار دى عايز اخلص منها
وقولتلك المعاد مجاش لسة عشان تعرف فيها مين نادية ومين نادين
مينفعش يا آدم ابعد .. مينفعش
_ ومينفعش ليه إن شاءالله
لما توصل للحقيقة اللى تعباك دى هتفهم ليه يا آدم ... قبل ما امشى عايزاك بكرة تاخد نادية لمصنع الريس اللى انتو حړقتوه .. وهناك هتفهم نص الحقيقة دى ويمكن كلها مين عارف ... سلام يا آدم
اختفت فى لمح البصر زى كل مرة ... أما هو اتنفس پغضب وضر ب العربية برجله وقال
اااه يا نادية واااه منك يا نادين ..
_______________________
الريس بيروح مننا يا زعيم.. البنت اللى شاغل نفسها بيها متوهاه
_ عارف
طب وهنعمل ايه .. لو خسرنا الريس يبقى هنخسر كتير .. والبنت دى بنسبة كبيرة ممكن تخلصه وتبعده عننا
_ متخافش انا مجهز كل حاجة .. الريس ونادية ونادين ... التلاتة هجيبهم امريكا وهخلص منهم مرة واحدة ... دانا الزعيم
___________________
يتبع
٧
_ ردك ايه يا نسرين
احم ... ممكن مردش دلوقتى يا احمد .. يعنى سيبنى وقت افكر كويس
_ امممم ... ماشى هسيبك تفكرى .. بس ارجوكى قبل ما اسافر اسمع ردك
إن شاءالله .... هو انت مسافر امريكا ليه صحيح
_ زيارة لواحد صاحبى كدا وكمان شغل
ابتسمت نسرين بتكلف وكملت اكلها ... كان بيبصلها بتمعن وشرود .. عدل من قعدته وقال بهدوء
نسرين .. هو لو حد فجأة لقى نفسه فى مكان تانى مش بينتمى ليه وشوية شوية اخد عليه وبقى جزء من حياته كأنه روتين يومي مثلا .. بس هو ساعات بيحن للماضى أو بيحس أنه مش .. مش فاهم هو مين أو عايز ايه يعنى .. فهمانى
كلامه شتتها شوية .. شربت بق مية واتنهدت وقالت
بص يا احمد انا شوية فهمت من كلامك .. بس هقولك حاجة تمماشى معاه ولنفترض أن الشخص دا مثلا كان حد كويس .. طيب .. بيحب الخير .. محبوب بين الكل .. وكمان شغله كويس وبيحبه .. هوب حصلت حاجة نقلته نقلة تانية خالص عمل حاډثة مثلا بس عاش .. ولكن نقول فقد الذاكرة .. فقد كل شىء عن حياته القديمة ... اتقلب انقلاب تام .. بقى شخص شرير وبيئذى .. شغله بقى وحش اوى فيه أذية للغير .. نقول يا سيدى أنه بقى رجل ماڤيا ولا عصابة ولا مدمن مثلا .. فى الحالة دى اقدر اقولك أنه اتحول للنسخة دى بفضل حد تانى مش من نفسه عشان زهق من حياته الجديدة مثلا ..
ضربات قلبه كانت بتعلى وتعلى ... مشتت وتايه .. دماغه هتنفج ر من صدمة الكلام .. بلع ريقه بصعوبة وقال
