روايه حور عيني لكاتبتها رغد عبد الله
علشان تقف جنبها اتفقت معاها هتقول أي لو جة شهاب و سأل عليها فى الوقت دا ..خدت تاكسى لمكان المقابلة ..
الساعة بقت ٦ ٥ كان بيكلم الخاطبة فى التلفون ..
الخاطبة .. هى مكلمانى وخمس دقائق و تبقى عند حضرتك يا مالك بيه ..
نفخ بضيق وبقى يقلب بعينية فى المكان لحد ما لاحظها كانت ماشية بخجل شديد شاورلها راحت حور ومكنتش عارفة تصنع تعابير أية .
حور بخجل آسفة ..
مالك اتنهد .. تشربى أيه
حور ولا حاجة .. مش ضرورى
حور مش ضرورى والله ..
مالك لا ضرورى يا حور .. شكلك مرهق . .
نده على الويتر وطلب حور كانت مذبهله أول مرة حد يهتم بيها ويعبر عنه ! .
لما طلب رجع بصلها.. بتحبى الاطفال ..
ضحك مالك .. علشان منهم
عملت ١١١ وقالت أنا مش طفلة أنا كبيرة دا أنا ينفع أطلع رخصة و أسوق عربية .
إبتسم مالك .. يعنى تقدرى تاخدى بالك من طفل ..
حور بفخر جدا .. متشكش فى قدراتى ..
مالك بحزم .. طيب يبقى لازم تعرفى إن لو اتجوزنا انا مش هستنى فى موضوع الخلفة هتبقى أم فى أقل من سنة
مالك .. دا شرطى الوحيد يا تقبلى يا ترفضى ..
ساعتها قولت بكسوف .. وإذا حسيت إنى مش مستعدة.
مالك .. إلى كان هيبدأ بينا هينتهى ..
نبرة صوتى بقت حادة ڠصب عنى .. يعنى أنا مجرد أداه تجبلك عيل م مش عايز بيت ولا دفى أسرة ولا حد جنبك علطول .
الكلمة دبحتنى .. أنا وكل أمل كان بيفكر ينور حياتى !
مالك بعد ما أستوعب إللي قاله .. قال بإستدراك ل لا مش عليكى انتى بس أنا مستحيل هقدر أحب حد فالعموم لأسباب تخصنى فلوس وبيت مريح واولاد دا كل إلى أقدر اوعدك بية يا حور .
كان هيسمح دموعى سحبت منه المنديل وبصيت فعينة ثم قولت بسخرية أنت بتقول كل عيوبك من أول مقابلة كأنك بتقولى يا أما تتقبلينى و تاخدينى كدا لإما يفتح الله كإنها بيعة..
هنا مالك اتعصب وقال .. وانتى! صغيرة و بتدورى على عريس بسرعة متقنعنيش أن كل دا علشان تكونى أسرة ! قال جملتة الاخيرة بسخرية
مالك هدى .. كل واحد منا ليه أسبابه وإلى ممكن تضطرة يستحمل التانى علشانها
حور .. أنت قولت إنى حره فى اختيارى مش كدا!
مالك بيهز راسه بضيق لتكمل حور .. وأنا مش موافقة عن إذنك ..
كنت بقول أنا مستعدة لأى حاجة المهم انها تبعدنى عن أخويا ومراتة لكن لما اتحطيت قدام الامر الواقع مقدرتش البؤس اتفرض عليا زمان والمرادى أنا إلى هختاره بإيديا محستش إنى قادرة اعمل كدا .. لما أفتكرت كل لحظة قلبى وجعنى فيها .. لأنه بردان مش لاقى دفى و لا أمان من اى حد !
__فى البيت __
اترميت بحملى كله على السرير وأنا ببص للسقف مكنتش قادرة أفكر فى حاجة قطع شرودى رنة الموبايل
حور ألو
سلمى بصوت متحمس عملتى أيه
حور ولا حاجة .. رفضت ..
سلمى پصدمة اييييه !
اوعى يكون عملك حاجة ولا
حور بمقاطعة .. لا لا هو كان محترم بس صريح زيادة عن اللزوم..
قالت سلمى بغباء يعنى أيه.
حور بتعب بعدين يا سلمى مليش نفس اتكلم ولا احكى حاجة .
سلمى طب طب قبل ما تقفلى عايزاكى توصفية بتلات كلمات..
حور ابوس دماغ أبوكى مش وقت هبل د..
سلمى بمقاطعة علشان خاطرى.
حور بتفكير طب هو محترم زى ما قولتلك صريح وحنين جه على بالها موقف العصير والمنديل وقالت حنين من غير حساب
سلمى ضحكت بخبث وقالت طب حاولى تفكرى تانى دى مش نبرة ولا كلام واحدة رفضت واحد متعرفوش دا كلام حد واقع
وقفلت بسرعة قفلت علشان عارفة أنى كنت هشتم هبلة هى مش باخد بكلامها بالرغم من صدقة فى
