روايه كنت روحي لكاتبتها سمسمه
حكيت على كل حاجة ... فصل الشاب دا اسبوع والدكتور عرف اني مش غلطانة ...
يارب تكوني كدا ارتاحتي يا ست أمنية ... عملتي مشكلة كبيرة اهو
_ بس يا ريم ... أمنية مش غلطانة
لا غلطانة يا اسر ... لازم تعتمد على نفسها بقى هى مش صغيره ... وكمان لو كانت فضلت قاعدة من الاول مكنش حصل كل دا
بهدوء ودموع ... اسر انا والله اسفة بس انت عارف ان....
لا بقى دي حالة لا تطاق ...
_ في ايه يا ريم ... انت عارفة أن أمنية اختي الصغيرة وانا مربيها هى ودينا
لا يا اسر مش اختك ... وهى قاصدة تعمل الحركات دي
لا والله يا اسر
اسكتي انت خالص ... هى قاصدة يا اسر علشان تخليك تحبها
بقول الحقيقة ... اصلا واضح عليها انها بتحبك ... اسر لازم تختار دلوقتي أما انا أو أمنية دي ...
باااااااااااااااك
فوقت من التفكير دا بعد مالمضيفة نبهتني اني اربط حزام الأمان علشان وصلنا مصر ... مش عارفة ايه ممكن يكون اتغير فيها بعد ثلاث سنين بس اللي خاېفة منه وحاسة بيه أن في حاجة في اسر اتغيرت ....
كانت_روحي_معك_بالبداية_ولكنني_اضللت_الطريق
البارت_الثاني.....
محدش كان عارف اني رجعت من السفر ... اسكندرية لسه جميلة ... والبحر لسه بيحارب علشان يتحرر من اسر الصخور... هو ميعرفش أن اللي واقفة قدامه دلوقتي بالرغم من هروبها إلا أنها متحررتش من اسرها ... ههههه كل حاجة في الدنيا دي مضحكة ... حتى اصعب مشاكلها مضحكة ... الدنيا نكتة سخيفة وبالرغم من سخفتها إلا أننا كل مرة نضحك عليها وكأنها اول مرة نشوفها .... رجعت البيت كل حاجة زي مهى بس البيت كان واحشني اوي الدفا اللي فيه وحشني ... لعبنا وضحكنا وحشني ... حسيت أن مر عشر سنين مش ثلاثة قولت قبل كدا أن الوقت السئ بطئ جدا جدا ... دخلت جنينة البيت لقيت بابا بيسقى الزرع زي عادته ... بابا بيحب الورد جدا وانا زيه ... دايما يقولي الوردة لو عجبتك هتقطفيها بس لو حبتيها هتراعيها لحد متكبر وتفتح ... وماما طالعة من البيت بفنجان القهوة ... عمو محمد وطنط وفاء قاعدين على الطاولة ... دينا قاعدة في ركن بعيد عن الكل ... ركننا انا وهى المخصص جنب ورد التوليب ... كانوا أشبه بلوحة جميلة هادية ودافية ... بس ناقصها شخصين وانا واسر ... انا جيت بس اسر فين ... !
الجميع بفرحة أمنية ...
سلمت عليهم كلهم بس دينا سابتني وطلعت على السطح على أساس أنها زعلانة ... استأذنت منهم وطلعت وراها علشان اصاحها قبل كدا كنت بفضل إذن عليها علشان تصالحني واعمل حركات غريبة بس مش عارفة دلوقتي اصالحها ازاي ... خصوصا انا ودينا مش بتعرف نتكلم على الفون اتعودنا دايما أن يكون كلامنا وجها لوجه علشان كدا لما كنا بنتكلم طول الفترة اللي فاتت كان مجرد سؤال عاملة ايه ...
........
زعلانة
وانا هزعل ليه يعني ... علشان سبتينا كلنا وسافرتي
امممم يعني مش زعلانة
لا خالص
وانت يا قطتي
علشان انت غبية وهربتي
اتغيرتي
ازاي ...!
طريقتك في الكلام بقت هادية وعاقلة
هههههه لا وحياتك دا اثر السفر
ولا أثر البعد ... وبعدين تعالي هنا انت بتترعبي من الطيارة ازاي تركبيها كدا
ههههه راكبة ميكروباص
هههههه شكرا يا ساحبي .. ا....ا...
اسر مش هنا
مكنتش هسال عنه
لما بتسالي عن اسر في حاجة فيكي بتتغير زي نظرة عيونك ...
والله ليه بيبقى لونهم اخضر
لا يا فالحة بينوروا
شبه القطط يعني
مانت قطتي
طب ... يعني
في الكافية ... اسر اتغير اوي يا أمنية ... بقى حزين طول الوقت ... الحب طلع بيكسر اوي
اوي اوي يا دينا اسالي مجرب وعارف ... طب ايه اللي حصل
هو في اي
