رواية امي عملتلي عمل عشان ما اتجوزش
انت في الصفحة 1 من 11 صفحات
مش هتصدقو الي هقوله امي عملتلي عمل اني متجوزش
انا مريم فاتني قطر الجواز والسبب امي وهحكيلكم ازاي وليه عملت كده كنا عيله اب وام وانا وكنا في بيت عيله عمي في الدور الاول عمي الكبير ومعندوش غير ابنه ابراهيم هيما حب طفولتي واحنا في الدور التاني جدي كان بيحب ابنه الكبير كتب له ورث اكتر من ابنه الصغير الي هوا ابويا تعالو نشوف امي الله يسامحها كانت متحبش مرات عمي رغم انهم كانو طيبين اووي يلا بينا نعرف امي عملت ايه فينا كلنا مش فيا انا بس
امي كوثر اخوك مكوش على كل حاجه واحنا ولا حاجه
بابا عبد الله ياكوثر حرام عليكي اخويا احمد مبياخرش علينا حاجه
عبدالله كفايه حقد داانتي ست نكديه وقلبك اسود
كوثر وانت راجل زي قلتك
عبدالله مريم حبيبت بابا ممكن تعمليلي كوبايه شاي حلوه زيك
كوثر عيوني يابابا حاضر
كنت سامعاهم وسامعه كلام ماما كل يوم خناق ومشاكل وبابا غلبان مبيحبش المشاكل وبيحب عمي احمد جدا اخوه الكبير
عبدالله علي فكره ياكوثر احمد اخويا كلمني عايز يجوز ابراهيم لمريم
كوثر نعم مستحيل ده يحصل مش هجوز مريم امال مين هيخدمني ويشوف طلباتي
كوثر بنظره شر عادي مهو الكلمه كلمتك والشوره شورتك ياخويا اومال
عبدالله ربنا يهديكي ايوه كده
كوثر طيب هنزل اجيب شويه حاجات من السوق
عبدالله عايزه فلوس
كوثر ياريت حد يقول للفلوس لا هات
عبدالله بضحك مش هتتغيري ابدا
ماما نزلت بس مكنتش رايحه السوق كانت رايحه لام سعد العرافه او الدجاله
كوثر مساء الخير ياشيخه ام سعد
ام سعد مساء الورد ياكثر اقعدي عايزه ايه
