رواية حكايتي الرائعة
صرخت عليا بجنون وهي مش مصدقه انها بقت في الدنيا لوحدها من غير اب ولا ام�
*************
بعد اسبوع من وفاة والد عليا كانت قاعده بتبكي لوحدها ولقت الباب خبط وراحت فتحت لقت كريم في وشها وبيعزيها وفضلت واقفه علي الباب وهو واقف قدامها وماسمحتلوش بالدخول
كريم: البقاءلله يا عليا معلش انا لسه عارف النهارده
عليا بحزن: شكرا يا كريم ماكنش له لازمه تتعب نفسك وتيجي تعزيني
كريم: ازاي بس يا عليا انتي ماتعرفيش غلاوتك عندي اد ايه
عليا بهدوء: ملوش لازمه الكلام دا يا كريم وشكرا علي تعبك عن اذنك
وكانت هتقفل الباب لكنه حط ايده ومنعها
عليا بغضب: في ايه يا كريم انت مش جيت عزيت وخلاص سعيكم مشكور
كريم: عليا انا بحبك وانتي بتحبيني وبموت والدك احنا مشكلتنا اتحلت وانا ممكن اتجوزك هنا في شقة والدك
= بس قبل ماتتجوزها لازم تخطبها مني الاول
قالها شخص واقف خلف كريم وكان باين عليه الثراء وكان بيتكلم بقوة وثقه
عليا بذهول: حضرتك مين ؟!!
= اشوف الاول موضوع الاستاذ دا واقولك انا مين
كريم بغضب: لا معلش انا كمان عايز اعرف مين الباشا
= عايز تعرف بصفتك ايه
كريم: بصفتي هتجوز عليا
ابتسم الشخص دا وقاله
=تتجوزها ازاي وهي متجوزه
عليا بصدم#مه: بس انا مش متجوزه
خرج ورقه ورفعها قدام عنيها وكانت قسيمة زواج بين ( عليا محمود وزين الشافعي )
بصتله عليا بصدم#مه وقالتله
عليا: مين زين الشافعي
ابتسم بسخريه وقالها
= انا زين الشافعي جوزك
اتصدمت وسألته ازاي قالها ندخل جوا ونتكلم وبص ل كريم وقاله سعيكم مشكور ودخل مع عليا وقفل الباب في وش كريم
دخلت عليا وهي بتبصله بغضب وقالتله: ادينا داخلنا ممكن حضرتك تقولي انت جوزي ازاي
وقف زين يبصلها ويبص للشقه وكأنه بيقيم كل حاجه حواليه وقالها ببرود: جوزك شرعي طبعا
اتغاظت عليا من غروره الزايد دا وقالتله بغيظ: ازاي وانا معرفش
