رواية مانيسا كاملة
وللاسف مفيش مكان يحميني من المطر قعدت علي الأرض وبدءت اصر...خ بكل قوتي واقول ياااارب
وبعدها ما حسيتش بحاجه غير وانا في المستشفي وفي صوت بيقول الحمد لله فاقت
فتحت عيوني كان شخص في الثلاثينات كدا وواضح عليه الطيبه ومعاه ست كبيره واخده نفس الملامح
فضلت ابص حواليا شويه ولما فوقت بدؤا يكلموني وحكيت ليهم كل اللي مريت بيه لقيتها ضميتني ليها اوي وقالت ما تزعليش يا بنتي ربنا بعتنا ليكي في الوقت دا عشان ننقذك ربك كريم اوي
واخدتني بيتها وفي الطريق قالت معلش احنا بيتنا متواضع شويه وعلي اد الحال بس هترتاحي فيه واعتبريه بيتك
وصلنا عند قصر فخم جدا مستحيل دا يكون البيت المتواضع لحد ماخرجت منه بنت لبسها استغفر الله وقالت هي دي الشغاله الجديده
هي دي الشغاله الجديده
لا يا حبيبتي دي ضيفه عندنا
دخلت معاهم القصر دا حاجه كدا كإنها رسمه بإيد فنان
كل حاجه فيه مميزه
تعالي يا حبيبتي اطلعك الاوضه اللي هترتاحي فيها
حاضر
طلعت معاها كانت اوضه اد الشقه اللي كنت متزوجه فيها مرتين كبييييره اوي
وبصي دا لبس هو مش جديد لكن البسي منه لحد ما اشتري ليكي لبس جديد
وثواني وهيكون العشاء جاهز
لا يا طنط شكرا
مفيش شكر ولا حاجه نورتينا
وخرجت وقفلت الباب وسندت عليه واخدت نفس طويل وقالت بإرتياح
الحمد لله واخيرا لقيت اللي هتكون سلطانة القصر دا ونزلت
وبعد شويه كان العشاء جاهز وطلع اكلت ونمت صحيت تاني يوم اخدت شاور ونزلت
صباح الخير
