رواية الان اقول احبك لكاتبتها ندى سامي

استغربت انو رجع يتكلم رسمى بس معلقتش من كتر م هى متحمسه تقابل ضياء و بعد وقت وصلو الفيلا و هى طلعت خدت دش و لبست و نزلت و فارس وصلها
_______________________
ف المطعم
ساره راحت ل ضياء و قعدت معاه و طلبو اكل
ضياء بحزن مزيف انا مش مرتاح طول م انتى زعلانه منى يا ساره هتفضلى مضايقه منى لحد امتى
ساره بابتسامه مش مضايقه منك خلاص
ضياء بجد يا حبيبتى الحمدلله
ساره ابتسمت بفرحه و بعد شويه الجارسون جه و حط الاكل و خلصو اكل و طلبو حاجه يشربوها و كانت بتحكيله ع إلى حصل ف الشغل
ضياء حبيبتى كنت عايز اتكلم معاكى ف فكره حلوه اوى جت ف دماغى
ساره ايه هى
ضياء ايه رأيك نعمل انا و انتى مشروع
ساره بحماس مشروع ايه
ضياء نفتح مصنع ادويه و اهو بدل م انتى تبقى شغاله ف المصنع و ع طول بتتخانقى مع المدير تبقى صاحبه مصنع
ساره الله حلو اوى ده
ضياء هو بس هيبقى محتاج مبلغ كبير شويه
ساره قد ايه مثلا
ضياء مش اقل من 10 مليون
ساره بدهشه اييه انا هجيب كل الفلوس دى منين
ضياء بخبث من باباكى و كمان انا هدفع زيهم
ساره بحيره امم ماشى انا هقول ل بابا و اقولك و نبدأ ف المشروع
ضياء حبيبى إلى بيفكر صح
ساره ابتسمت بحب و الجارسون جه و نزل المشروبات
ساره انا همشى بقى عشان متأخرش
ضياء ماشى يا حبيبتى
ساره ابتسمت و سلمت عليه و خرجت لقت فارس ساند ع العربيه من برا و مستنيها ف ركبت العربيه و هو ركب و مشيو
ضياء كان خرج وراها و اول م مشيت ابتسم بسخريه و قال هبله
_______________________
تانى يوم بليل
ساره بابا كنت عايزه اقولك حاجه
فؤاد قولى
ساره انا كنت عايزه اعمل مشروع ضغنن
فؤاد ايه هو
ساره حكتلو ع أنها عايزه تعمل مصنع و عن إلى بيحصل معاها ف الشغل و قعدت تقنعو كتير
فؤاد بقله حيله طب مين إلى هيبقى شريكك
ساره بكدب و توتر رقيه
فؤاد رقيه متاكده
ساره بتوتر ايوه اكيد
فؤاد بشك ماشى
ساره كنت بس عايزه منك مبلغ وانا هكمله
فؤاد كام !
ساره 9 مليون و نص
فؤاد قصدك 10
ساره م انا هكمل عليهم بقى
فؤاد ماشى حظك أن فى ناس جايين بكره هياخدو كام عربيه م المعرض هاخد الفلوس و اديهالك
ساره حبيبى يا فؤش
فؤاد مسمعكيش تقولى فؤش دى تانى سامعه مش بحبها
ساره بضحك خلاص ولا تضايق نفسك
نهاد بتمثيل الزعل وانا مليش ف الحب ده ولا ايه
ساره لا طبعا ازاى
قالت كده و راحت حضنتها و هى مبسوطه و طلعت اوضتها تكلم رقيه و تقولها ع أنها تمثل معاها أنها تبقى شريكتها
_______________________
ف مكان تانى
_ مش مبسوطه م إلى بيحصل مع البت و ضياء
م انتى عارفه انو بيمثل و بيحبك
_ بس مش حابه قربها منو انا لازم ابوظلها حاجه
مش كفايه إلى بتعملوه دلوقتى
قالت بشړ لا مش كفايه انا مش بطيقها من و احنا ف جامعه هى اه مش هتفتكرنى عشان احنا مش صحاب بس انا مستحلفالها من ساعتها
_______________________
بعد 3 ايام ف المصنع
دخلت ساره المصنع لقت رقيه جريت عليها و خدتها برا بسرعه
ساره فى ايه مالك
رقيه المصنع كلو مقلوب عليكى جوا
ساره پخوف ليه فى ايه
رقيه الادويه إلى البنت وقفتك تعمليها عشان تعبت فجأه و اضرت تروح لما نزلوها و الناس جابتها جالهم ټسمم
ساره نعممم ازاى
رقيه معرفش و هما حاليا بيدورو عليكى عشان انتى إلى عملتيهم و فاكرين انك حطيتى عليهم حاجه او دخلتى حاجتين ف بعض
ساره پخوف اعمل ايه طيب
قبل م تتكلم المدير خرج
المدير بعصبيه انتى هنا و احنا عمالين ندور عليكى
ساره بتوتر فى ايه انا لسه جايه
المدير ع أساس رقيه مقالتلكيش .. بتسممى الناس و بتضيعى سمعه المصنع
ساره انا معملتش حاجه والله
المدير قولى الكلام ده قدام الظابط بقى الناس رفعت قضيه و انتى اول متهمه
قال كده و بصلها بعصبيه و مشى و هى بصت ل رقيه پخوف
ساره رقيه انا معملتش حاجه والله انا مش عايزه اروح قسم
رقيه اهدى انا مصدقاكى والله بس لازم يبقى معانا دليل
ساره طب هعمل ايه
قعدت ټعيط و بعدين حاولت ترن ع ضياء كتير بس مكانش بيرد ف رنت ع فارس ف رد بس قبل م يقول حاجه اتكلمت هى و هى بټعيط
ساره فارس ممكن تيجى عند المصنع
فارس بقلق من صوتها حاضر بس هو فى حاجه
ساره بعياط ممكن تيجى الاول
فارس حاضر
قفل معاها بعد دقايق كان جه و خرج م العربيه لقاها قاعده ع السلم بټعيط و رقيه حضناها
فارس بقلق فى ايه مالك
ساره حكتلو و هى بټعيط جامد و بعدين قالت انت مصدقنى صح انا و الله معملتش حاجه
فارس اهدى طيب و قوليلى اسم البنت الى انتى وقفتى مكانها و انا هحاول اجيبها تشهد
رقيه اسمها هند ساكنه ف 
قالتلو مكانها و هو حاول يهدى ساره و حلف انو لازم يجيب البنت دى و تشهد ب إلى حصل ب اى طريقه لحد م سمعو صوت عربيات بوليس ف ساره قامت پخوف و وقفت ورا فارس و هى ماسكه رقيه
_ مين فيكو ساره فؤاد
فارس خير حضرتك فى حاجه
_ الانسه مطلوب ب القبض عليها بتهمه تخريب ادويه
فارس فى أمر يثبت ده
الظابط بصلو بعصبية و طلع الأمر اهو مين فيهم ساره
ساره بتوتر و خوف ا..انا ساره
_ اتفضلى معانا
راح نحيتها و خدها و فارس وقف قدامو وقال انا هاجى معاكو
_ مينفعش ممكن تيجى ورانا بس مش معانا .. يلا يا انسه
خدها و هى قعدت تبص ل فارس إلى بصلها بمعنى مټخافيش و ركبت و مشيو و فارس دخل المصنع و طلب كاميرات المراقبه و أدى الراجل بتاع الكاميرات فلوس و خد التسجيل و خرج ركب العربيه و راح عنوان البنت إلى رقيه قالت عليها
_______________________
عند هند
هند انا عملت إلى قولتى عليه و اهى اتقبض عليها فين بقى باقى فلوسى
_ هتاخديها بس مش انهارده لحد م الوضع يهدى عشان محدش يشك
هند طب و لو حد جه يسألنى ع حاجه
_ انكرى و اوعى تقولى انك كنتى تعبانه ف خلتيها تاخد مكانك قولى انا كنت بشتغل عادى لقيتها جايه تقولى انا هعمل مكانك روحى ارتاحى و قعدت تقنعك لحد م سبتيها
هند بتوتر ماشى ربنا يستر
قفلت معاها و قعدت تفكر و هى متوتره لحد م مامتها دخلت
_ فى حد بيقول عايزك برا يا هند
هند پخوف حد حد مين !
_ معرفش مقالش
هند طب انا طالعه
خرجت لقت فارس قاعد برا ف بصتله باستغراب و راحت قعدت ع الكنبه
هند خير مين حضرتك
فارس انا فارس جاى تبع ساره
هند بتوتر ايوه مالها فى حاجه
فارس لاحظ توترها ف قال كنت عايز اسألك ع إلى حصل من 3 ايام لما قولتى لساره انك تعبانه و مشيتى
هند بإنكار انا مقولتش انى تعبانه هى إلى قالتلى ريحى وانا هاخد مكانك حتى انا استغربت
فارس متاكده !!
هند اه
فارس طلع فونو و فتح الفيديو و قال طب و ده ايه هى برضو إلى وقعت ع