رواية كيد النساء وقهر الرجال لكاتبتها منى محمود
اتحرجت وياسين خبطة في كتفه
_يا عم انت مركز معانا كده ليه ما تقوم تروح لمراتك ما انت برده سايبها من الصبح لغايه دلوقتي مش بعادتك يعني
جلال
_لا ما انا هقوم اروح اعدي عليها اجيبها من عند مامتها ونروح بقى ونقعد ثلاث اربع ايام كده ما نخرجش من البيت نعوض اليوم اللي انا خرجت فيه ده ومنشفش حد خالص
محمود بضحك
_ احلى حاجه فيك يا جلال جراءتك دي
هناء
_ لا وانت الصادق يا محمود قصدك بجاحته
جلال كشړ
_ انا بجح يا نونه
هند
_ لا يا جلجل انت مش بجح انت بس مش بتتكسف تعبر عن حبك لمراتك ودي حاجه حلوه اوي فيك هما بس اللي مش فاهمين كده
_ يا حنينه سيبنا لك انتي الفهم
هند
_ ومالك بتقوليها بتريقه كده ليه
الاء
_ لا ولا بتريق ولا حاجه
جلال
_ اه ناقر ونقير هيبدوا مع بعض انا يا دوبك كده اقوم قبل ما الفقره دي تبدا يلا السلام عليكم والف حمد لله على سلامتك يا ابيه مره ثانيه وان شاء الله نبقى نتقابل كثير في الاجازه دي
محمود وهو بيسلم عليه
_ الله يسلمك يا حبيبي اكيد ان شاء الله هنتقابل كثير شكرا تعبتكم النهارده معايا انت وياسين بس مش عارف سالم وابنه النهارده اختفوا كده وانا بصراحه كنت اعملها لهم مفاجاه فحاولت اوصل لهم بعد ما رجعت تليفوناتهم الاثنين مقفوله فمعلش تعبتكم انتم معايا
_ عيب يا محمود ما تقولش كده احنا اخوات بردو يلا الف حمد لله على السلامه واكيد ان شاء الله هعدي عليكم مره ثانيه وهنجمع مع بعض الاجازه دي
محمود
_ ان شاء الله يا حبيبي
ياسمينا برقه
_ الف حمد لله على السلامه يا ابيه محمود وكل سنه وانتم طيبين عيد سعيد عليكم جميعا
محمود
_ الله يسلمك يا ياسمينا وحمد لله على سلامتك انتي كمان
هناء
_ حمد لله على سلامتك انتي كمان يا سمسم وعيد سعيد عليكي انتي كمان وسلامي لبابا وماما جدا وان شاء الله نتجمع في العيد كلنا مع بعض
_ يوصل يا نونه ان شاء الله واكيد ان شاء الله هنتجمع مع بعض يلا سلام عليكم
هناء
_ سلام يا حبايبي
بعد ما الكل مشي
الاء
_ يلا بقى يا سي بابي اهو كلهم مشيو ورينا بقى الحاجات اللي كنا طالبينها منك والهدايا يلا يلا فين
هناء
_ يا بنتي اصبري متصربعه على ايه
محمود
_ سيبيها براحتها يا هناء تعالي يا ستي يلا نفتح الشنط واطلع لكم الهدايا
هند
_ بابي اوعى تكوني نسيت التابلت اللي انا طلبته منك
محمود
_ لا يا نوده انا ما نسيتش اي حاجه اي حد فيكم طلبها مني كل حاجه جبتها لكم وزودت عليهم كمان
_ ايوه بقى يا بابا يا جامد
محمود ضحك وضمهم تاني لحضنه والفرحة مش سيعاه
جلال اول ما خرج من عند هناء اتصل علي جودي
جلال
_ حبيب قلبي اللي وحشني وهتجنن علية
جودي بصوت مخڼوق
_ أيوة يا جلال .. خرجت خلاص من عند نونا ابدء اجهز
جلال بلهفه
_ مالك يا جودي صوتك مخڼوق كده ليه في حاجه حصلت في حد ضايقك انتي كويسه
جودي ابتسمت
_ ما فيش حاجه يا حبيبي انا كويسه ما تقلقش قول لي بس ابدا اجهز ولا ايه
جلال اتنهد
_ انا كنت حاسس ان اليوم ده مش هيعدي على خير عموما يا جودي انا 10 دقائق وهتلاقيني عندك اجهزي واول ما هوصل هرن عليكي تنزلي لي بلاش اطلع
جودي بسخريه
_ وانت بقى خاېف تطلع لاحسن تقابل حد منهم على فكره يا جلال هم بعد الفطار على طول هم الاثنين استاذنوا ومشيوا وانا قاعده مع ماما لوحدنا
جلال
_ معقول بسرعه كده هما لحقوا يقعدوا عشان يمشوا
جودي
_ اصل شريف واحلام مسافرين النهارده بالليل الغردقه مع اصحابهم فقالوا يا دوب يلحقوا يجهزوا والاستاذه منار رايحه تبات النهارده عند اهلها عشان بتقضي معاهم اول يوم العيد فهي كمان قالت يا دوب تلحق تنزل واديني قاعده انا وامي اهو
جلال
_ طب بقول لك ايه ما تجيبي ماما تبات معانا النهارده وتقضي معانا بكره اول يوم العيد بدل ما هي قاعده لوحدها
جودي
_ قلت لها والله يا حبيبي وهي مش راضيه بتقولي انا مش هسيب بيتي اول يوم العيد ابدا
جلال بتفكير
_ خلاص انا هعدي عليكي دلوقتي وبكره الصبح ان شاء الله ننزل نصلي العيد ونطلع نفطر معاها ونقضي احنا معاها اول يوم العيد ايه رايك
جودي
_ ماشي بس ما انا تاني يوم بردو المفروض اكون معاها علشان منار وامير هيجوا وانت عارف ان منار ما بتعملش اي حاجه
جلال
_ ممممم خلاص احنا نصلي ونطلع نفطر معاها ونقعد معاها لغايه بعد الظهر كده وبعدين ننزل
