رواية كيد النساء وقهر الرجال لكاتبتها منى محمود

قاطعه
انا مقصدش اللي حضرتك فهمتة مساعدتك دي علي راسنا كلنا والله انا اقصد أنهم مش ينفع يفضلو هنا لوحدهم خصوصا أن الدجال متقبضش عليه للاسف وهرب انا مش هبقي مطمن عليهم هنا ف بعد ازنك هتبقي تيجلهم عندنا في البيت
اسماء باعتراض
ايه !! لا طبعا مينفعش ايه اللي انت بتقوله دا يا شريف هنقعد عندكم باي صفه مينفعش هو ان شاء الله هيخاف ومش هيتعرض لينا تاني
شريف كشړ
يا سلام بقا واحد بالاخلاق دي هيخاف ويبعد مش كدة ضمنه انتي يعني سلامتكم هنا صح 
نوال بحيره
شريف بتكلم صح يا اسماء وجودكم لوحدكم مينفعش
اسماء
ولا عند حضرتك ينفع 
امير قاطعها
لو عليا انا ممكن اقعد مع جلال في شقتهم وانتي وولادك واحلام تفضلو مع ماما وجودي وشريف
اسماء بتريقه
علي أساس أن وجودنا مع شريف نفسه عادي مش كدة
شريف
اه يا اسماء هيبقي عادي لاني هرد احلام لعصمتي دلوقتي حالا وهتطلع ع بيتي وهي مراتي انا مش هسيبها تاني من انهاردة
اسماء بدموع
وبعد ما اللي احنا فيه ما يخلص هتسيبها ولا هتفضل معاها بس تفضل تعايراها بللي عملتة قبل كدة شريف والله احلام مبقتش مستحملة خلاص هي جابت آخرها انت متعرفش هي عاشت ايه وازاي
شريف بحزن
والله ما هيحصل .. لا هسيبها ولا هجرحها بكلمة واحدة حتي انا عايز ارجعلها بجد يا اسماء
نوال
عين العقل يا بني . يلا يا حبيبتي نحضر حاجتكم علي ما احلام تفوق ونمشي لازم تبقو معانا دا مكانكم الطبيعي وانتم هترجعو ليه يلا يا حبيبتي
أسامة استأذن ومشي وفضل امير مع شريف في الصاله ونوال واسماء كانو بيجهزو الشنط
بعد مدة فاقت احلام كانت حسه أن كل جسمها ۏجعها جدا وعندها صداع فظيع بدأت تمسك دماغها تفرك فيها بدأت تفتكر كل ال حصل .. وقفت عند مشهد حضڼ شريف ليها وهو متبت فيها عشان تبطل حركة ولاقت نفسها بټعيط بټعيط جامد جدا لدرجة أن صوتها كان عالي وكلهم برة سمعوه
نوال واسماء طلعو جريو علي الاوضه لكن شريف منعهم وطلب منهم أن هو اللي يدخل لوحده عشان يتكلم معاها وهما وافقو وسابوة ودخل .
في شقه في منطقة راقيه جدا كانت قاعدة ياسمينا وهي حسه بالملل .. بقالها اسبوعين متجوزة شادي من ورا ابوها ومفهماه أنها مسافره تبع شغلها شادي خلال الاسبوعين دول كان متجاهل ياسمينا تماما لا بيعاملها حلو ولا وحش كأنها هوا مش موجودة أصلا وفي نفس الوقت منعها من الخروج أو التواصل مع اي حد بحجة أن كل دا عشان الموضوع ميوصلش لابوها ويبوظ
ياسمينا كانت قاعدة زهقانة وبتتفرج علي فيلم اكشن وقدمها اكل وسناكس كتير دخل شادي وتجاهلها تماما كان جايب معاه غدا ليه هو بس حطة علي السفرة ودخل المطبخ طلع من التلاجة بيبسي وخرج فرد الاكل اللي كان بيتزا كبيرة وبطاطس محمرة ومخلل وحط البيبسي وبدء ياكل باستمتاع من غير ما يبص عليها مرة واحدة حتي
ياسمينا اتغاظت جدا لان دي مكنتش اول مرة يعمل كدة قامت ووقفت ادامه وشدت من أيديه البيبسي ورمتها بكل عصبيه علي الارض وحطت ايديها في وسطها وهي بتتنفس بسرعه والڠضب باين عليها
شادي بص علي الارض ورجع بصلها
ايه اللي انتي عملتيه دا 
ياسمينا
شاااااادي بطل بقا الطريقه المستفزة دي انا اتخنقت
شادي
طريقه ايه المستفزة انا كلمتك ولا جيت جمبك حتي ايه يا سمسم انتي بتتلككي ولا ايه
ياسمينا پغضب
انت بارد بجد ايه البرود دا انا زهقت متجاهلني ديما ولا كاني موجودة وممنوع اخرج ممنوع اتواصل مع اي حد ايييي دا انا في سجن ولا ايه
شادي بهدوء
والله دي كانت طلباتك بالحرف الواحد وانا كل اللي عملته اني بنفذها وبس طلبتي كل واحد يكون في حاله طول فترة الجواز وانا اهو بعمل كدة طلبتي أن باباكي ميعرفش لاني هيوقفلك كل حاجة واهو مختفيه عن الأنظار ع اساس انك مسافره عشان هو ميعرفش عملت ايه انا بقا دا بدل ما تقوليلي شكرا يا شادي 
ياسمينا بسخرية
لا بجد كمان هشكرك دا علي أساس انك مش واخد فلوس اد كدة قصاد اللي بتعمله دلوقتي انت كنت لاقي تاكل جبنه حاف حتي دلوقتي كل يوم داخلي باكل اشكال وانواع
شادي قام وقف وضربها بكل قوته بالقلم 
قلم من شدتة وقعت الارض وحطت ايديها علي وشها وهي بصاله پصدمة ودموعها نازله
شادي ببرود
انتي اللي خليتني اعمل كدة انا كنت جدع معاكي للاخر والتزمت بكل كلمة اتفقنا عليها لكن اني اسمحلك تاني تهنيني أو تيجي ع كرامتي بالجزمة القديمة وهديكي فوق دماغك
ياسمينا پصدمة
انت اټجننت يا شادي انت بتقول ايه 
شادي
اللي سمعتيه يا سمسم عايزة نقضي الاسبوعين اللي فاضلين ع خير تلاشيني خالص والتزمي بالاتفاق اللي بيا والا متلوميش الا نفسك ومتسالنيش في رد فعلي لانه اكيد مش هيعجبك
ياسمينا بعصبيه
لااااا دا انت اټجننت خالص انا هتصل ب بابي يجي يربيك ويشوف شغله معاك .
لسه هتقوم