رواية كيد النساء وقهر الرجال لكاتبتها منى محمود

الغلط
اسماء بحيرة
ولا انا عارفه مش هقدر اخليكي ترجعي للي كنتي فيه تاني ولا عايزه اديهم فلوس ونبقى تحت ضرسهم و يبقى في حرمانيه كمان مش عارفه
احلام
طب ايه هنعمل ايه مين ممكن يساعدنا 
اسماء بتفكير
مش عارفه طيب بقول لك ايه انا بصراحه فكرت في حد كده ممكن يساعدنا بس خاېفه منك او يعني خاېفه من رد فعلك
احلام استغربت
مين ده وليه خاېفه مني 
اسماء
بصراحه كده انا فكرت في طنط نوال حماتك حاسه ان هي تقدر تساعدنا انا ما رضيتش اقول لك شريف عشان عارفه ان الموضوع هيبقى حساس اوي ده غير أن انا عارفه ان شريف احتمال كبير ما يرضاش يساعدنا لكن حسيت ان طنط نوال يعني بغريزه انها ام وكده ممكن نصعب عليها وتساعدنا ايه رايك 
احلام عينيها دمعت
انت بتقولي ايه يا اسماء طنط نوال اه طيبه وعمري ما شفت منها حاجه وحشه بس استحاله تنسى اللي انا عملته في ابنها استحاله تساعدنا
اسماء بتوسل
طب خلينا نجرب عشان خاطري مش هنخسر حاجه بلاش نستسلم ان احنا نديهم الفلوس خلينا نحاول ونعافر
احلام بتعب
اعملي اللي انتي عايزاه يا اسماء اعملي اللي انتي عايزاه وانا ما عنديش اي مشكله انا كل اللي عايزاه اني انا انام بهدوء زي اي حد مش طالبه والله اكثر من كده
اسماء ابتسمت بحب
هتنامي يا حبيبتي وهنخلص من الکابوس ده وهنقعد انا وانت تاني وهنفتكر الايام دي كلها وهنضحك وهنقول قد ايه احنا بقينا اقويه ما تقلقيش وخلي عندك ثقه في ربنا كبيره
احلام بدموع
يا رب انت العالم بحالي يا رب انت عالم ان تبت وندمت وهفضل لاخر يوم في عمري بستغفرك يا رب خليك جنبي يا رب خليك جنبي وساعدني في اللي انا فيه
اسماء
انا انا هجرب بكره الصبح اتصل بيها وهشوف كده هتقول لي ايه اتفقنا
احلام هزت راسها بموافقه كانت من جواها بتدعي ان نوال تنسى الاڈيه اللي هي اذيتها لهم وتقف جنبهم وتساعدهم لأنها حقيقي اخر امل ليهم
منار ادعت الاڼهيار وخبطت على اهلها واول ما فتحوا وشافوا تيا على ايديها زي ما يكون مغمى عليها وهي عينيها حمراء من العياط شنطتها مقطوعه وهدومها مقطوعه كانوا باصين ليها بذهول دخلوها وقعدوها وحاولوا يفهموا منها ايه اللي حصل
صلاح
يا بنتي بطلي عياط وفهمينا ايه اللي حصل لكم حرام عليكي القلق دا
منار پبكاء
ركبت التوك توك انا وتيا بعد ما فسحتها شويه ووديتها الملاهي حسيت ان سواق التوك توك شكله غريب كده ومره واحده راحت راكبه واحده ست جنبنا ورشت عليا انا وبنتي حاجه كده ما حسيتش بنفسي كل اللي انا كنت فاكراه ان هي كانت بتقرب مني عشان تشد مني السلسله اللي لابساها فانا كنت بقاومها على قد ما اقدر راحت شداني من التونيك وبعد كده ما حسيتش باي حاجه فوقت لقيت نفسي انا وبنتي على الرصيف بالمنظر اللي انتم شايفينه ده ولا معايا دهبي ولا معايا محفظتي ولا اي حاجة
مصطفي بشك
رصيف ايه اللي يسيبوكم عليه في حاجه مش مظبوطه في كلامك يا منار
منار عيطت اكتر
والله ده اللي حصل كل اللي انا فاكراه قلته انتم مش شايفين البهدله اللي انا فيها انا وبنتي ادي اليوم اللي قلت خدها افسحها بدل ما احنا محبوسين هنا بين اربع حيطان
محسن
طيب اهدي بس يا منار اهدي فداكم و حصل خير اي حاجه في الدنيا فداكي انتي وبنتك خشي يلا حاولي تفوقي تيا ولو ما فاقتش اطلعي عرفيني عشان ناخدها نوديها لدكتور يلا يا حبيبتي فداكم يا حبيبتي فداكم
منار خدت تيا واتحركت على اوضتها ومعاها امها ومراتات اخواتها الاتنين مصطفى كان واقف حاسس ان في حاجه غلط حاسس ان اخته بتكذب طول الوقت الاحساس ده جواه ويوم عن يوم بيكبر بس مش قادر يمسك عليها دليل
محمود قاعد في اوضته مش عارف يطلع منها حاسس ان هو مش عارف يقول ايه او يعمل ايه فكر جديا انه هو يرجع مكان ما جه يرجع يسيب البنات تاني مسؤوليه هناء وهو يشتغل ويجيب فلوس وبس
وهو بيفكر الباب خبط ودخلت هند
هند بهدوء
بابا ممكن ادخل اتكلم معاك شويه
محمود
تعالي يا هند تعالي يا حبيبتي
هند
هو انا عايزه اتكلم مع حضرتك في موضوع بس خاېفه من رد فعلك
محمود ابتسم بحب
ما تخافيش من حاجه يا هند قولي يا حبيبتي عايزه ايه
هند پخوف
بصراحه يا بابا يا عيني انا بصراحه يعني كنت يعني
محمود بتشجيع
اتكلمي يا حبيبتي وما تخافيش حتى لو ال انتي هتقوليه دة انا مش موافق عليه اوعدك اني مش هتعصب وهناقشك وهنتكلم مع بعض ب هدوء قولي في ايه
هند
بصراحة يا بابا انا مش عايزه اروح الكليه تاني على الاقل الفتره دي مش حاسه ان انا قادره ادخل الكليه والله انا عارفه ان انا على طول منتظمه ودرجاتي كويسه بس اوعدك ان انا هحاول اعمل كل ده من البيت