رواية كيد النساء وقهر الرجال لكاتبتها منى محمود

مكتومة
_ دا المأذون اللي هيطلقنا انا وبنتك دلوقتي بس قبل ما اطلاقها كان لازم تيجو واڤضحها قدامكم الرخيصه الواطيه
محسن بعصبيه 
_ احترم نفسك يا أمير ايه هي هربت منك ولا ايه 
مصطفي پغضب 
_ اتعدل يا امير واعرف انت بتتكلم عن مين
امير بسخريه 
_ لا ما انا عرفت انا بتكلم علي مين بتكلم علي ست خاېنة مقضيها علي التلفون والنت مع الرجاله مدوراها ومستغفلاني تبقي واطيه ورخيصه ولا لا يا مصطفي هه
صلاح پصدمة 
_ ايه اللي انت بتقوله دا لا اكيد في حاجة غلط .. حرام عليك يا ابني دي منار بنتي متربيه احسن تربيه
امير 
_ تربيه اه هه ونعم التربيه
محسن وهو بيمسكة من دراعه 
_ ما تحترم نفسك يا زفت انت واتكلم عدل في ايه 
امير 
_ انا بتكلم عدل يا محسن واللي عندي قلته اختكم كانت مدوراها كلام مع الرجاله وبتبدل بينهم كل ما تزهق وانا انهاردة كشفتها وسمعتها بوداني وهي بتكلم واحد منهم ولو مش مصدقني اتفضلو معايا فوق وهسمعكم كل حاجة بنفسكم
مصطفي بعد ايد محسن واتكلم بهدوء غريب 
_ تمام يا أمير واحنا هنطلع معاك ونشوف ولو طلع كلامك صح هيبقي ليك كل الحق في اي حاجة تعملها بس لو طلع كلامك غلط او كان في سوء تفاهم وانت مصبرتش تفهم اعرف ان حسابك هيكون تقيل اوي يا أمير
امير ابتسم بسخرية و طلع والكل وراه فتح بالمفتاح ودخلوا اتفاجاؤ كلهم بمنار مرميه جمب كرسي السفرة وپتنزف من كل حتة اخواتها و ابوها جريو عليها
صلاح پخوف 
_ منار حبيبتي يا بنتي ردي عليا منار يا قلب ابوكي ردي عليا يا حبيبتي
قام محسن وجري علي امير وضربه بالبوكس في وشه بقوة لدرجة أن أمير وقع علي الارض
محسن پغضب 
_ بتمد ايديك عليها يا حيوان دا انا ه
وقفه مصطفي 
_ اصبر يا محسن بص ل امير ها أنا حيشه وحايش نفسي عنك اهو لحد ما نتاكد فين دليلك 
امير قام وبص ل منار ب غل وكره ومسك تلفونها اللي كان علي التربيزة ورن علي اخر رقم كانت مكلماه وفتح الاسبيكر وبعد تالت جرس الخط اتفتح
نرجع في فيلا ياسين
ياسمينا كانت بتتكلم بعصبيه وڠضب وصوت عالي ومحستش باللي واقفه وراها بتسمع في زهول وصدمة ومش مستوعبه اللي هي سمعتة قفلت مع ابوها وهناء انسحبت من غير ما ياسمينا تحس بيها وخرجت بسرعه من الفيلا ركبت عربيتها واتحركت بسرعه من قدام الفيلا كانت حيرانة مش عارفه تعمل ايه طلعت تلفونها وجابت رقم محمود كانت ايديها بتترعش ودموعها نازله
محمود 
_ اي يا حبيبتي وصلتي خلاص 
هناء پبكاء
_ م محمود الحقني
محمود پخوف 
_ في ايه انتي كويسه جرالك حاجة 
هناء 
_ لا لا انا كويسه بس بس في مصېبه وانا مش عارفه اعمل ايه صوت عياطها زاد انا مش عارفه اتصرف
محمود بقلق 
_ هناء اهدي وفهميني في ايه عشان اعرف اتصرف اهدي حبيبتي واتكلمي براحة
هناء خدت نفس طويل وخرجته بهدوء وبدأت تحكيلة اللي حصل كله سمعها للاخر
محمود 
طب انتي ما واجهتهاش ليه
هناء بصوت مبحوح
_هتصدقني لو قلت لك ان انا خفت منها انا لما سمعت اللي هي قالته ما اعرفش حسيت ان انا خاېفه خاېفه ان هي تشوفني لقيت نفسي بجري بجري وبخرج من المكان كله
محمود 
_ طيب اقفلي معايا دلوقتي واتصلي بياسين وشوفي هو فين وقولي له يجي لنا هنا على الفيلا ضروري جدا قولي له ان في كارثه في مصېبه وانه لازم يجي لك الفيلا وانتي كمان تعالي على هنا ياسين لازم يعرف وحالا يا هناء
هناء 
_ حاضر حاضر يا محمود يا رب بس يرد عليا
محمود 
_ بقول لك ايه لو ما ردش عليكي من اول مره ما تتصليش تاني ليقفل التليفون ابعتيلو فويس على الواتساب وقوليله فيها زي ما انا قلت لك هو اكيد هيسمعها وهيقلق عليكي وهيجي جري على الفيلا لكن لو فضلتي تتصلي على التليفون مش بعيد يقفله خالص
هناء 
_ ماشي تمام خلاص يلا مع السلامه هتصل بيه واجي على البيت
محمود 
_ لا انت هتقفلي معاه وتتصلي بيا و تخليكي معايا على التليفون لحد ما تيجي هنا كفايه ان انا قلقان عليكي وانتي سايقه في الحاله دي هكون معاكي على التليفون عشان اكون مطمن وعلي ما انتي تكلميه هتصل انا علي جلال يجي هو كمان لازم يكون موجود اوك
هناء ابتسمت بحب 
_ حاضر يا حبيبي هكلمه وارجعلك تاني باي
محمود 
_ باي
هناء عملت زي ما محمود قالها اتصلت اول مرة و فعلا ياسين مردش بعتتله فويس علي واتساب أنها في مشكلة كبيرة جدا ولازم يجيلها فورا علي الفيلا والا في مصېبه هتحصل
بعتت الرساله ورجعت كلمت محمود تاني وفضلت معاه على التليفون واول ما قربت من البيت عندها لقيت ياسين بيتصل بيها