رواية اڼتقام ليل لكاتبتها فاطمة عادل

دخل البلكونه وقعد على الكرسى خرج من جيبه سېجارة وولعها وقعد يفتكر أبوه واللى حصله
فلاش باك
محمد قاعد هو وعمار وفتحيه بيهزروا ويضحكو سوا فجاه جرس الباب ضړب
قام عمار يشوف مين لقاه ساعى البريد
ده بيت على محمد السيد
عمار. ايوة فى حاجه حضرتك
ساعى البريد. ايوة ده جواب غياب من المدرسه ابنكم مبيحضرش ولو غاب اسبوع كمان هيترفض من المدرسه
عمار باندهاش .ازاى انا اخويا بيحضر كل يوم وعمره ماغاب غير مرة ولا اتنين
ساعى البريد اومال الجواب ده ليه ده من مدير المدرسة ذات نفسه امضيلى هنا لو سمحت ومتعطلنيش
عمار اخد الجواب وهو مزهول ومضى على الورقه ودخل وقفل الباب وهو مش عارف يقول لابوه ايه
محمد . مين ياعمار وكل ده واقف بره بتعمل ايه
عمار وفى أيده الجواب . ها لا ابدا ياحاج
محمد. ايه اللى معاك
ده يابنى
عمار مش عارف يرد .ها لا ابدا ده ولا حاجه
محمد باستغراب. متاكد يابنى اوعى تكون مخبى عليا حاجه
عمار. ابدا ياحاج مفيش حاجه
بقولك ياحاج انا نازل شويه كده وراجع
محمد. هتروح فين يابنى اخوك قرب يرجع من مدرسته وهنتغدا سوا
عمار پقهر ومش عارف يقول ايه أبوه فاكر أن اخوه فى المدرسه مش عارف ايه رد فعله لو شاف الجواب ده
عمار. بس واحد صاحبى رن عليا هنزل اشوفه بسرعه وهاجى علشان نتغدا سوا
محمد باستغراب وحاسس أن فيه حاجه. اللى يريحك يابنى
فاق ليل من ذكرياته على رنة موبايله بيبص لقاه توفيق ابتسم بسخرية وقال ده انا هلاعبكم على الشناكل هخليك يا صفوت الكلب تقول انا مرا
فتح موبايله وقال. هو انا مواريش غيرك ولا ايه ماقولت هقابلك الساعه 12الساعه لسه 9 ماتثبت كده وتتقل شويه
توفيق. انا اسف ياليل بس شريكى مڼهار بجد وانا بس باكد عليك
ليل. وانا من امتى بخلف مواعيدى انا قولتلك 12يبقى 12 وقفل فى وشه السكه ودخل على جوه وهو بيقلع هدومه علشان ياخد شاور
عند توفيق فى الملهى
صفوت. ها ياتوفيق كلمته
توفيق. خلاص ياصفوت كلمته وهو اكدلى أنه جاىبطل قلق بقى
صفوت. ازاى بس مش عايزنى اقلق بنتي مخطۏفة ومش عارف عنها حاجة وتقولي ما اقلقش انا هاتجنن مين اللي يتجرأ ويدخل بيتي ويتعدي علي حراسي وياخد أغلي حاجة عندي لين دي هي الحاجة الوحيدة اللي بقيالي من سهير الله يرحمها وماتنساش أنها عاجزة يعني مش بتعرف تعمل لنفسها حاجه ديما محتاجة حد يساعدها
توفيق. اطمن أن شاء الله هترجع
صفوت. يارب
عند ليل اخد شاور وجهز نفسه ونزل علشان يقابل توفيق وصفوت فى الملهى الليلى
قبل ماينزل عدى على اوضتها فتحها براحه يشوفها بتعمل ايه بيبص لاقها نايمه بالبيجامه بتاعته على الكرسى اللى حطها عليهدخل بشويش علشان متحسش بيه شالها براحه جدا وحاطها على السرير بيغطيها بالبطانيه أيده جات على أيدها اترعش لثانيه وبعدها نفض دماغه من الفكرة دى
خرج وسابها ونزل علشان يقابل توفيق وشريكه
فى الملهى الليلى عند توفيق داخل بهيبته وهو فى بوقه السېجار بتاعه
شافه توفيق من بعيد شاورله يجى علشان يتكلمو
قرب منهم ببرود قعد قصادهم على الكرسى ورفع رجليه على الترابيزة فى وشهم
جى صفوت يعترض على قلة ذوقه
مسكه توفيق من دراعه وضغط عليه بمعنى اسكت دلوقتى
ليل ببرود. ها اتكلم اكيد مش جايبنى هنا علشان صاحبك يتفرج عليا
توفيق . زى ماقولتلك بنته اتخطفت بس هسيبه هو يحكيلك تفاصيل
بص ناحية صفوت ببرود ومستنيه يتكلم
صفوت مركز اوى فى وشه وحاسس أنه شافه قبل كده بس اختفاء بنته مش مخليه مركز معاه وحكاله على اللى حصل
ليل. والمطلوب انى ارجعلك بنتك
صفوت . مش بس كده انا عايزك ټقتل اللى خاطڤها تمحيه من على وش الارض
ليل بابتسامة جنون. بس انا هكلفك كتير انا حراق عليك اوى
صفوت. اللى تطلبه المهم بنتى ترجع
ليل بينه وبين نفسه . ده انا هخليك تلف حوالين نفسكهخليك تقول حقى برقبتى وهاخد حقى منك
صفوت باستغراب ايه يابنى روحت فين
ليل ببرود ونظرة غريبه. معاك وفهمت اللى انت عايزه
صفوت. طيب تمام طلباتك
ليل وهو بيطفى السېجار 10مليون
صفوت . اللى تؤمر بيه
ليل. دولار
صفوت پصدمه. نععععم
ليل. هاخد نصهم دلوقتى ونصهم لما بنتك ترجع
صفوت. بس مش شايف أن ده .قبل مايكمل ليل قام وقف وقاله
ليل. ده اللى عندى وبص على توفيق وقاله
ابقى قول لصاحبك انا مين وفهمه أن كلمتى واحده
توفيق بص لصفوت علشان يهديه وبص لليل . خلاص اعتبر الفلوس فى حسابك من بكرة النص دلوقتى والباقى لما ترجع لين
ليل. هى اسمها لين
صفوت . ايوة لو سمحت حاول تتحرك فى اقرب وقت
ليل شاور براسه ومشى وسابهم
توفيق بص لصفوت وقاله أنه ميقلقش وأن ليل هيقدر يرجعله بنته بس اهم حاجه يطاوعه ويسمع كلامه
رجع ليل تانى الفيلا وطلع على اوضته علشان ينام بس شئ خلاه يدخل يطمن على لين وهى فى اوضتها فتح الباب ودخل لقاها لسه نايمه بس لاحظ أنها بتأن وهى نايمه قرب بشويش منها وبيبص شاف وشها احمر جدا بيحط أيده