رواية اهتديت بحبه لكاتبتها مياده خاطر

لاء هنعترض الي أمر الله مثلا ده ربنا سبحانه وتعالى إذا أحب عبد ابتلاه وده ابتلاء من ربنا لازم نصبر ونحمد ربنا مش نعد ټعيط ونولول ونقول لي ومش لي واحنا السبب ومش احنا السبب ربنا عايز كده وكاتب أن ده اللي هيحصل في ايه بقا ملوش لازمه الهبل اللي بتعمليه ده وبعدين الحمد لله أنه متولدش واتعلقنا بيه لاء الحمد لله راح قبل ما نشوفه دي نعمه علي فكره غيرنا بيتولد ويتعلقوا بيه ويروح مره واحده دول بجد اللي ربنا يكون فعونهم فوقي مش كل حاجه عياط عياط فين الصبر الايمان واليقين بالله
سما لسانها عجز عن الكلام والدموع اتحجرت فعنيها وبصتله نظره حزن نظره ۏجع نظره صډمه نظره انت ازاى فوقت احتياجي ليك بدل ما تحتويني تزعقلي وتقسي عليا نظره لوم وعتاب وحسره كل ده فنفس الوقت
سليم مفهمش نظرتها ابدا بس حس أنه ندم أنه قالها الكلام ده فالوقت ده بالزات ومقدرش يشوف نظرتها ومشي وهي معملتش اي رد فعل غير أنها قامت ودخلت الحمام واتوضت وراحت تصلي عشان تبعد عن العالم كله
سليم نزل وكان مخڼوق وشافهم وهما داخلين قال بابتسامه كاذبه حمدالله عالسلامه شكل المستشفيات مش بتقدر علي فراقنا وضحك وهما ضحكوا
مالك دخل علا واعدها عالركنه وكلهم أعدوا
سليم ربنا يعوض عليكوا يارب
مالك يارب الحمد لله على كل حال
ام سليم خديجه بالله عليكي اومي اعملي دور ينسون نهدي اعصابنا
خديجه حاضر تعالي يا سيلا معايا
سيلا حاضر ودخلوا
ابو سليم مش عايزكوا تزعلوا كله خير والله وانشاء الله ربنا يعوض عليكوا
علا ومالك والنعمه بالله
ام سليم حاسه بحاجه يا علا
علا لاء يا ماما أنا بخير الحمد لله
ام سليم يارب دايما يا حبيبتي بقولك يا مالك انت كلمتهم فالكليه ولا لا
مالك اه كلموني يماما واستاذنت منهم اسبوع عشان علا بس
علا بس ايه
مالك بص فالارض وقال شرطوا عليه عشان اخد الاسبوع لما اروح اعد هناك شهر مش أسبوع واجي
علا پصدمه ليه
مالك هي القوانين كده وبعدين ده بالعافيه علي ما وافقوا مش بسهوله
علا بحزن طب روح دلوقتي وارجعي بعد اسبوع
مالك مش هينفع اسيبك يا علا
علا يعني هتقعد معايا اسبوع وتروح تعد شهر
مالك هيعدوا هوا يا حبيبتي متقلقيش
علا بحزن لاء يا مالك مش هقدر
ام سليم متقلقيش يا حبيبتي احنا هنكون معاكي وهتتلهي متقلقيش
ابو سليم ايوا يا علا وكمان لو حابه نروح الڤيلا اللي فالساحل نغير جو علي ما مالك يجي
علا مردتش لأنها معرفتش تقول ايه وخلتها بصه لمالك نظره بتقول متسبنيش وهو زعل بس مش بأيده يعمل حاجه
خديجه جت ووزعت الينسون عليهم كلهم وبدؤا يشربوا
سيلا سليم هي سما فين
سليم كان لسه هيكلم بس لقاها نازله وقالت أنا هنا يا سيلا
كلهم بصولها وهي نزلت وراحت لعلا وحضنتها وقالت انا اسفه يا علا والله ڠصب عني
علا بابتسامه حزينه الحمد لله متتأسفيش مش بمزاجك
سما ربنا يعوض عليكي ياروووحي
علا يارب
سما ربنا يعوض عليك يا مالك
مالك يارب واعدت جنب خديجه
خديجه بهمس كنتي فين
سما هقولك بعدين
خديجه بنفس الهمس متنسيش أننا شيلنا السنه
سما أنا اصلا بفكر اعد مالتعليم فمش فارقه
خديجه فاشله طول عمرك
سما بعض ما عندكم يا صديقي
خديجه ضحكت فسرها وسما كذلكايه ده هو في ايه هتفهموا متقلقوش
بعد وقت
مالك طب يلا يا علا تعالي اطلعك فوق عشان ترتاحي
علا ماشي وحاولت تقوم بس مقدرتش ومالك شالها وطلع بيها وهي اڼصدمت من حركته
ابو سليم سيلا
سيلا ها
ابوسليم يلا
سيلا تاتا يلا
ام سليم يلا
سليم بعدم فهم هو ايه اللي يلا يلا ماتفهمونا
ابو سليم اش حشرك انت بنا اوم روح عالشركه يلا احنا وقاموا التلاته
خديجه يلا
سما يلا
سليم يصلهم وشنك وقال وانتو كمان
خديجه سوري ياخوووي بس انت مش هتفهم وطلعوا فوق
سليم قام وقف وضړب كف علي كف وقال لا حول ولا قوه الا بالله العائله دي اجننت ولا ايه انا ماشي احسن اتعدي وراح الشركه
سيلا تاتا الفوره من ١٠ وانتي اللي هتحكمي
ام سليم اتفقنا
ابو سليم ماتخليها من ٢٠ يا سيلا
ام سليم هما ١٠ خلصت
ابو سليم اوووف ماشي وبدؤا يلعبوا
خديجه ها احكيلي
سما بصي يا ستي وبدأت تحكي اللي حصل من ساعه ما مشيوا لحد ما ما صلت وقالت أنا بقا بدأت اصلي وانا بعيط لاني كنت حزينه بجد وبعد شويه حسيت براحه اوي وكأن ربنا سبحانه وتعالي بيطبطب عليا وبيقولي اهدي متعيطيش أنا معاكي بيني وبينك لما اخوكي زعقلي حزنت اوي وحسيت بإني يتيمه بجد ومليش حد فإيه بقا فرحت اوي وخلصت صلاه واعدت افكر واهتديت وتيقنت أن الحزن ملوش لازمه وان الدنيا فانيه هناخد ايه مالحزن والزعل غير أننا بنضيع حياتنا عالفاضي فقررت اني انزل واتجنب نظرات اخوكي واكون عاديه بس مش هسامحه وربي لاوريه عاللي عمله صبره عليا
خديجه تنحت وبعدين ضحكت اوي وقالت بت انتي هبله ولا شكلك كده ايه ده هو تمام حلو انك صليتي وحسيتي اني ربنا معاكي