روايه لاني احبك لكاتبتها سلمي السيد

أدعي ربنا و حاولي تهدي أنا عارفة إنه صعب بس حاولي و أهدي و أدعي ربنا .
أوضة عمليات مالك .
الدكتور بقلق الإصابة جنب العمود الفقري بالظبط و خدشت الفقرة ال ١٥ ركزوا كويس عشان أي غلطة هتسببله شلل .
الدكتورة بتركيز تمام .
أوضة عمليات تميم .
الدكتور بلهفة بسرعة هات القطن الڼزيف مش عاوز يقف .
الدكتور ٢ بخضة يا دكتور ضربات قلبه بتقل .
كنت لسه هديله الحقنة و القطن و لاكن فجأة جهاز القلب صففر و قلبه وقف و .
في أوضة عمليات فارس .
الدكتور بقلق الإصابة عميقة جدآ و المړيض في خطړ .
دكتور ٢ بقلق ركزوا جدآ في طلوع الړصاصة جسمه ضعف أوي يا دكتور من الإصابة .
الدكتور يتنهد بحزن و قال أحنا هنعمل الي علينا و نتيجة العملية دي بتاعت ربنا .
في أوضة عمليات تميم .
الدكتور بلهفة الصدمة الكهربية بسرعة .
بدأت أصعق قلب تميم بكل خضة مش أول مرة أعمل عملية في حياتي ولا أول مرة أشوف حالة صعبة قدامي بس تميم رغم إني معرفهوش لاكن صعب عليا أوي الڼزيف مش بيقف رغم إننا طلعنا الړصاصة و قلبه وقف دلوقتي .
دكتور ٢ پخوف و سرعة في الكلام قلبه مش بيستجيب يا دكتور .
بدأت أصعق قلبه للمرة التانية و برضو مفيش فايدة و صعقټ التالتة بيأس و فقدان أمل و قولت خلاص تميم ھيموت بس في الصعقة الرابعة الحمد لله قلبه إستجاب و نبض تاني و بدأنا في إننا نحاول نوقف الڼزيف و أخيرا بعد معاناة الڼزيف وقف .
في أوضة عمليات مالك .
الدكتور يتنهد بحزن الإصابة أثرت علي أعصاب رجله .
دكتور ٢ بحزن و دا معناه شلل .
الدكتور بحزن بس شلل مؤقت إن شاء الله مش دايم الړصاصة هتأثر في الحركة و المشي فترة لاكن مش هتبقي فترة كبيرة بإذن الله أما الإصابة الي في كتفه مش خطېرة و ملهاش أي تأثير .
عدت ساعة و أتنين و تلاتة و أربعة و طبعآ بلغنا أبو مالك ينزل مصر عشان الي حصل دا و ميعاد وصوله هيبقي بكرة الصبح و أخيرا بعد إنتظار كل الساعات دي الدكتور بتاع مالك خرج و قالنا كل الي حصل جوا مع مالك حاولت أتماسك عشان بهار لاكن من جوايا كان نفسي أصرخ بكل قوتي أكيد مالك إن شاء الله هيرجع يقف علي رجليه تاني و بعديها بنص ساعة دكتور تميم خرج و برضو قالنا كل حاجة حصلت جوا و قال علي قلب تميم الي وقف و طبعا أحنا أترعبنا و أسيل إنهارت أكتر في العياط و التعب و فضلت خاېفة لحد ما بعد ساعة و نص تقريبا دكتور فارس خرج و قالنا إن حالة فارس في خطړ و مش مستقرة نهائيا و هما عملوا كل الي عليهم و مش في إيديهم حاجة تاني يعملوها و طبعا حمزة أكتر واحد فينا زعلان و مضايق و حاسس بالذنب و الندم كمان مش هكدب عليكوا و أقولكوا إننا مزعلناش لاء أحنا زعلنا جدآ علي فارس رغم كل الي عمله و الي كان ممكن يعمله تاني بس مكناش نتمني ليه برضو حاجة زي كده أسيل لما سمعت الكلام دا عن أخوها و إن حالته صعبة أوي كده إنهارت أكتر و أغمي عليها و الدكتور فوقها و حالتها النفسية صعبة أوي بجد أما نور الدين ف تحسوا إنه خلاص فاقد الأمل في كل حاجة دموعه نازلة في صمت و مش بينطق ولا كلمة لحد ما جه تاني يوم الصبح و أبو مالك جه علي المستشفي علطول و طبعآ ماما كمان جت و مامت نازلي جت و كلنا مستنيين اي الي هيحصل .
عبد الرحيم بدموع أنا ابني هيقوم إن شاء الله و هيقف علي رجله تاني أرجوك يارب أرجوك .
سيف بدموع خير يا عمي بإذن الله متقلقش .
عدت الساعات و عدي يوم و نص و أحنا علي نفس الوضع مش جديد و محدش منهم فاق لسه و جه علي وقت العصر في نص اليوم التاني دكتور تميم دخل لتميم و قالنا بكل حزن إن تميم دخل في غيبوبة و الله أعلم هيفوق منها أمتي و مالك مكنش لسه فاق من البنج و وقت المغرب دكتور فارس بعد ما دخل لفارس خرج و قالنا .
الدكتور مين فيكوا بهار .
بهار بدموع و تعب أ..أنا .
الدكتور تنهد بحزن و قال فارس لما فاق مسألش علي حد غيرك و هو دلوقتي عاوزك تدخليله و أرجوكي حاولي متقوليش أي حاجة تضايقه أو تزعله حالته مش مستحملة و مازالت في خطړ لاكن هو طلبك و صمم إنه يشوفك .
بهار و بتمسح دموعها و بصت لسيف .
سيف هز راسه بالقبول و قال أدخلي يا بهار .
بهار دخلت .
بهار بدموع الدكتور قالي إنك عاوزني .
فارس بدموع و تعب و ألم شديد بهار أنأنا حبيتك بجد مكنتش عاوز حاجة غير إنك تبقي معايا ببس الظروف كلها كانت عكس بعض عارف إني تعبتك و خليتك تكرهيني أكتر ما أنتي بتكرهيني .
بهار بدموع .
فارس بدموع و تعب كنت فاكر إني لما أتجوزك هعرف أحببك فيا بس وجود مالك في حياتك عجزني في إني أقدر أخليكي تحبيني و الي حصل في الڤيلا دا نهاية لكل حاجة هتعيشي حياتك بعيد عني من إنهارده بهار أنتي طالق غمض عيونه بۏجع و دموع نزلت و سكت .
بهار بدموع ربنا يقومك بالسلامه يا فارس .
أنا عارف إني غلطت و غلطت غلطة كبيرة كمان سواء مع بهار أو مالك أو تميم بس أنا كل حاجة كانت عامية عيوني الحقد و الغرور و الغيرة و الكرهه و الإنتقام و تجارة المخډرات بصيت لغرور الدنيا و نسيت الأخرة طبيعي تكون نهاية شخص زييي كده أتمني ربنا يسامحني و يرحمني .
خرجت من عند فارس و أنا حاسة بفرحة كبيرة جدآ إنه طلقني و قالي إني هعيش بعيد عنه فارس سلم نفسه لغروره و شره و حقده علي الي حواليه و دا كان السبب في الي هو فيه دلوقتي يمكن لو كان سلم نفسه و أعترف لنفسه بغلطه مكناش هنوصل للي أحنا فيه دلوقتي دا عدي اليوم و تاني يوم الصبح لاقينا الدكاترة بيجروا بسرعة علي أوضة فارس .
سيف بخضة للممرضة في اي .
الممرضة بلهفة البشمهندس فارس قلبه وقف و الدكتور بيحاول يسعفه عن إذنك دلوقتي .
حمزة بدموع نزلت في صمت بسببي فارس لو ماټ هيبقي بسببي .
الدكتور بخضة و لهفة بسرعة بسرعة هاتي الحقنه .
أديت لفارس الحقنة و مفيش أي رد فعل في جسمه بدأت أصعق قلبه مرة و أتنين و برضو مفيش إستجابه بقيت عاوز أنقذه بأي طريقة بصفتي دكتور مش هيسيب مريضه لأخر لحظة و لآخر نفس صعقته التالتة و الرابعة و ال..و الخامسة و لاكن مع الأسف خلاص كده فارس ټوفي