رواية صديقتي كاملة جميلة جدا

داليا: انا مبقتش فاهمه حاجة مين الناس دول واذا كانت سلمي ميته مين بتكون سمر خطيبة اخويا
البواب: سمر سمر انا متهيألي سمعت الاسم دا قبل كدا
داليا: بجد قولي سمعته فين ومن مين
البواب: والله منا فاكر
داليا: ارجوك حاول تفتكر دي خطيبة اخويا واخويا كمان صحفي ومن كلامك اكيد حياته في خطر

البواب: انتي لازم تحزري اخوكي الناس دي لا قانون ولا حد يقدر عليهم خليه يسيب الشغلانه دي
داليا: قصدك تقول ان سمر دي تبع العصابة بس ازاي وهي تشبه سلمي كتير  لا مش ممكن انا لازم  امشي حالا
جريت وانا مش قادرة اخد نفسي علي البيت
مجهول: ايوا يافندم البنت لسة طالعة حالا من العمارة
مجهول ٢: خلصوا علي البواب بسرعة
مجهول: حاضر يافندم
داليا: يارب تكون بخير يامحمد فضلت اجري لحد ما وصلت عند بيتنا وهناك وقفت بصد@مة من اللي شوفته قدامي

روحت وجيت قدام البيت وقفت من الصد@مة لقيت ناس كتير واقفين قدام بيتنا استخبيت ورا عربية سمعت واحد منهم بيقول ايوا ياباشا احنا خلصنا علي البواب ومستنيين البنت اللي كانت معاه  انا قلبي اتقبض ساعتها ومكونتش

عارفة اعمل ايه مين دول وعاوزين مني ايه قتلو عمي مجدي انا السبب مكانش لازم ادخله في كل ده  انا لازم امشي من هنا حالا.. اتسحبت براحة لحد ما ابعدت عنهم وجريت بااقصي سرعة مش عارفة نفسي رايحة فين طلعت موبايلي ارن علي محمد لقيت تلفونه مغلق
قلقلت كتير وقررت اروح عند سمر اشوفها واعرف ايه اللي بيحصل ده روحت عند بيت سمر فضلت اغبط كتير محدش بيرد نزلت وانا تعبانه وفاقدة الأمل وتايهة ومش فاهمة حاجة نزلت وانا لسة هشاور لتاكسي لقيت عربية كبيره فيها
ملاثمين نزلو واخدوني غص0ب عني ونيموني من بعدها
محسيتش بااي حاجة بعد فترة صحيت لقيت نفسي في مكان غريب ودخلو عليا ٤ رجال وكان معاهم بنت شعرها اصفر ولبسة بنطلون جينز وتيشيرت قصير ونضارة وكاب قربت عليا وقلعت النضارة والكاب وضحت ضحكة صفرا وقالتلي اهلا ياحلوة اخبارك ايه
داليا: انتي مين وعايزة مني ايه