رواية عشقت مخادعتي بقلم ندى احمد الجزء الثالث

معتز: هفهمك واحنا فى الطريق عشق اتصلت على سعيد وراحوا مع معتز
اول ما وصلوا فهد كان واقف
سعيد: فين فيروز
فهد: انت مين اصلا
سعيد: أنا ابن خالتها وخطيبها وفيروز هتمشى معايا دلوقتى حالا
فهد: فيروز كلها دقايق وتبقى مراتى مسمعش اسمها على لسانك فاهم
سعيد: أنا ممكن اطلع دلوقتى اخدها واقدم بلاغ انك خا*طفها

الحادية عشر
عند فيروز
فهد دخل الاوضة على فيروز
و الصد@مة لقها سا*يحة فى د*مها
فهد جرى شال فيروز وركب عربيته وساق بسرعة جنونية لحد ما وصل المستشفى
فهد: دكتورة بسرعة
الدكتور جيه يقرب من فيروز
فهد: قولت دكتورة
الدكتور: مفيش غيرى فى النبطشية

فهد بغضب: اتصرفوا عايز دكتورة حالا
و الدكتور جرى وراح جاب دكتورة
الدكتورة اخدت فيروز وعملت اللازم وفاقت فيروز فى طلوع الفجر
فهد كان ماسك ايديها ونايم على كرسى جنبها
فيروز بصتله وهى مش مصدقة كل اللى حصل وإللى وصلتله وفجأة اتجوزوا وهى عارفة أن مصيرها فى يوم فهد هيطلقها لانها مش مناسبة له اجتماعيا ولا فكريا وكل حاجة وهو كمان خاطب يعنى فكرة أنها تصلحه وتعيش معاه حياة هادئة مش موجودة وكمان لأن فيروز مؤمنة أن مفيش حد بيتغير علشان حد وقعدت تفكر فى كل حاجة لحد ما قطع تفكيرها استيقاظ فهد

فهد عدل نفسه وشال أيده
فهد بجدية: انتى كويسة دلوقتى
فيروز: أنا عايزة أطلق
فهد: بصى يا فيروز الكلمتين دول مش هقولهم تانى مش انتى بس اللى مش طايقة الجوازة ديه وعلى فكرة هتفضل فى السر علشان منظرى الاجتماعى وهتفضلى مراتى حتى لو انتى مش حابة ده فبطلى بقى موضوع انك تنت*حرى لأن مفيش حاجة هتتغير طالما أنا مش عايز فهمتى … كمل جدية قومى البسى يلا
فيروز قامت تلبس خرجت لابسة فستان زيتى وطرحة بيج ولكن فيروز كانت فاكرة الطرحة اسكرف علشان هى مش محجبة وحطاها على كتفها
فهد: ايه العبط ده
فيروز: افندم
فهد: حضرتك مش لابسة الزفتة ليه على راسك وتلم شعرك ده
فيروز: بس أنا مش محجبة
فهد: البسيها يا فيروز يلا يا ماما
فيروز: مش فاهمة فى ايه
فهد قرب لم شعرها وحط الطرحة على رأسها
فيروز: خلاص هلبسها ابعد