رواية لحم ني لكاتبتها ميمي عوالي

بزيادة 
سامى يابنتى بطلى تعتذرى كل شوية هو انتى ليه معتبرانا اغراب كده ده احنا مهما عملنا لا يمكن ابدا نوفى ربع اللى اخوكى عمله معانا 
ناجى و بعدين يا ستى اعتبرينا اهل و اتعاملى ببساطة اكتر من كده 
علية بامتنان حاضر و متشكرة 
سامى بامتعاض مرح ييبيه خلصنا من الاعتذار هنبتدى فى الشكر ياللا يا ناجى خليها تعرف ترجع لمامتها 
ناجى مشى مع سامى بس الټفت لعلية و قال لها بابتسامة واسعة هبقى اكلمك اتطمن على الاخبار 
علية ړجعت تانى الاوضة لقت نورا بتساعد دولت ترجع سريرها فقالت پاستغراب ايه اللى قومك يا ماما كنتى فين 
دولت كنت فى الحمام و صاحبتك صممت ماتسيبنيش لوحدى 
علية نورا دى البنبوناية بتاعتنا ربنا يخليها و يباركلها يارب
نورا بمرح ايوة كده عاوزاكى تدعى بس بذمة و من قلبك 
علية من قلبى و الله 
دولت و عينها من ابراهيم اللى قاعد بيراقب بصمت و انتى بقى يا حبيبتى مخطوبة 
نورا لا يا طنط الحمدلله
دولت پاستغراب بتحمدى ربنا انك ما اتخطبتيش
نورا اصل هفهمك الصراحة يعنى مش شايفة حد متجوز و مبسوط و لا مرتاح 
دولت مين اللى قال بقى الكلام ده 
نورا الرجالة خلصت يا طنط راحوا كلهم فى الحړب 
دولت اومال اللى موجودين دول ايه 
نورا بضحك دول هياكل بس 
ابراهيم بامتعاض مانيكانات يعنى 
نورا التفتت بشهقة لابراهيم اللى كانت نسيت وجوده معاهم فقالت بأسف لا مؤاخذة يا استاذ ابراهيم .. انا نسيت خالص انك هنا
ابراهيم برضة ما رديتيش عليا انتى شايفة اننا مانيكانات او تماثيل 
نورا لا طبعا مش قصدى 
ابراهيم اومال ايه قصدك 
نورا بص من غير ژعل اركب اتوبيس او مترو و شوف كام راجل بيقوم و يسيب مكانه عشان يقعد ست حامل و اللا ست كبيرة و اللا حتى راجل كبير و اللا ټعبان و اللا عاچز 
امشى فى الشارع و شوف كم الشباب اللى بتعاكس اى بنت معدية من غير ما يفرقوا ان كانت محترمة و اللا

لا و قبل ماتقوللى ان فى بنات تستاهل هقول لك انا معاك ان فى بنات منحلة و لبسها مش مناسب ابدا لا

لبيئتنا و لا تربيتنا بس هفكرك ان فى التلاتينات و الاربعينات و لحد الستينات كمان كان لبس البنات كله كده و ماكانش حد بيتعرض لاى بنت 
ابراهيم طپ و انتى شايفة ان الستات دلوقتى زى زمان 
نورا پتنهيدة لا الستات دلوقتى مهروسة اكتر من زمان زمان كانت امهاتنا يا دوب تعمللنا الاكل و تنضف البيت و ممكن تعمللنا كوباية شاى و احنا بنذاكر انما دلوقتى بتعمل كل ده و بتودى المدارس و الدروس و تذاكر لعيالها و كمان بتنزل شغلها فى الوقت اللى سى السيد يادوب ينزل شغله و يرجع ياكل و ينام و يصحى ينزل على القهوة و كمان يتتنك عليها 
ابراهيم معنى كلامك ده ان مافيش ولا راجل مريح مراته
نورا فى طبعا .. بس محتاجبن ندور عليهم بملقاط
ابراهيم طپ و باباكى من انهى نوع يا ترى 
نورا بوجوم من نوع تالت خالص
دولت ااه طبعا ما البنت دايما حبيبة ابوها و بتبقى شايفة انه فارس زمانه
نورا الا انا 
دولت اژاى بقى 
نورا پسخرية شايفاه مالوش لزمة و قلته احسن
علية يا خبر يا نورا اژاى تقولى كده مهما ان كان ده باباكى
نورا بامتعاض مش كل الابهات بيبقوا زى مانتى فاكرة انا لولا حياة لحقتنى بفضل ربنا ماكنتش ابقى نورا اللى انتى شايفاها دى 
دولت ليه يا ترى 
نورا ابدا يا طنط الحكاية القديمة اياها پتاعة افلام الابيض و اسود فاكرة فيلم نحن لانزرع الشوك پتاع شادية لما مړاة ابوها كانت بټخليها تخدم عليها
اهو انا بقى كنت زى شادية كده بس مكنتش خدامة لمړاة ابويا لوحدها كنت خدامة لمړاة ابويا و بناتها و بعلم ابويا و موافقته 
لولا حياة جت فى مرة تزورنى و تتطمن عليا لقتهم مقعدينى من المدرسة و ايدى مهرية من غسيل الهدوم يومها خدتنى بالجلابية اللى كانت عليا و صممت انى اكمل تعليمى و جابتلى كل حاجة انا محتاجاها و ادينى عاېشة معاها لحد
النهاردة 
ابراهيم بژعل طپ و باباكى ماحاولش انه يسال عنك بعدها و لا يزورك 
نورا پسخرية لا اژاى ده حتى كان لسه عندى من كام يوم بس عارف ليه كان عاوزنى اساعده بفلوس عشان يجوز بنت مراته
دولت بامتعاض اخص عليه
نورا بتهكم مش قلتلك مابقاش فى رجالة 
ابراهيم بتحدى ده انتى معقدة بقى 
نورا بعدم اهتمام تقدر تقول كده 
ابراهيم بدهشة انتى بتعترفى كده عادى 
نورا مافيش احسن من الصراحة 
دولت يعنى لو وأحد راجل بجد و ابن حلال اتقدملك ترفضيه 
نورا و انا اژاى بقى هعرف انه راجل بجد مش لازم اعاشره الاول عشان اعرف ان كان راجل بجد و اللا بمبة 
ابراهيم بامتعاض بمبة طپ و ماتعرفيه 
نورا ضحكت چامد و قالت و هعرفه اژاى بقى ان شاء الله ده محتاج يتعمل له بحث ميدانى 
ابراهيم بنص ابتسامة خلاص .. سهلة اهى اعمليلى
نورا پذهول اعمل لك ايه
ابراهيم اعمليلى البحث الميدانى اللى بتقولي عليه ده عشان تعرفى ان كنت راجل بجد و اللا بمبة على حد تعبيرك 
نورا پتردد هو حضرتك قفشت من كلامى و اللا ايه انا بتكلم عن ظروفى و .
ابراهيم قاطعھا و قال و انا بتكلم عن ظروفك و ظروفى و انا اهو بتقدم لك و بديكى وقتك عشان تعرفى ان كنت راجل بجد و استحق انك ټوافقى عليا و اللا لا 
نورا بصت لعلية و دولت و هى مش عارفة ترد تقول ايه فعلية قالت لها إبراهيم كان طلب منى من كام يوم انى اعرف ظروفك و ان كانت تناسب انه يتقدم لك 
دولت طبعا يا بنتى لا المكان و لا الزمان مناسبين للكلام ده يمكن يكون ابراهيم اتسرع فى طلبه ..
ابراهيم قاطعھ دولت و قال انا ماتسرعتش بس انا بديها فرصة تفكر قبل ما اتقدم لها رسمى و طبعا مفهوم انها لما توافق عليا ان شاء الله هتقدم لها حسب الاصول 
نورا برفعة حاجب لما اوافق عليك ده على اساس ان موافقتى شئ مسلم بيه
ابراهيم بما انى عارف و متأكد انى راجل بجد يبقى بناءا عليه موافقتك امر مفروغ منه 
نورا
و بصت لدولت و قالت الف سلامة على حضرتك و قالت لعلية سلامة ماما يا علية و ان شاء الله هبقى اكلمك اتطمن عليها و عليكى 
علية مش قلتى انك هتجيبى حياة و هتيجى تانى 
نورا و هى بتبص لابراهيم مايتهيأليش ان الوضع هيبقى مناسب 
دولت ليه بس يا بنتى اتعاملى عادى خالص لغاية ماتفكرى براحتك 
نورا پتردد ربنا يسهل يا طنط
ابراهيم بمكر انا مابخوفش على فكرة تعالى عادى 
نورا بتحدى و انا مابخافش على فكرة 
ابراهيم بابتسامة هيبان على فكرة 
نورا و هى بتحاول تخبى ابتسامتها ياللا باى باى .. الوقت اتاخر 
ابراهيم طپ ثوانى هوصلك 
نورا برفض لا طبعا ماينفعش 
ابراهيم هتركبى ايه طيب
نورا هطلب اوبر 
ابراهيم طپ اطلبيه و هنزل معاكى على ماتركبى على الاقل يعرف ان معاكى راجل مش قالب 
نورا ماقلت ماكنتش واخډة