تكملة رواية احببتها صعيديه الجزء الثالث
انت في الصفحة 1 من 6 صفحات
احببتها_صعيديه
البارت9
داليا مين الزفته دي ي تميم
رفيده وقربت وحطت راسه ع كتفه وكملت بدلع: بقا انا زفته ي تيمو
تيم بلع ريقه بتوتر وبعدها عنه: الفاظك ي داليا لو سمحتي
وبص لرفيده: روحي ولما ارجع حسابنا في البيت
رفيده بدلع: لا انا قاعده معاك لما تخلص ي حبيبي نروح سوا البيت وحش من غيرك
تميم في نفسه (يخربيت دلعك هو دا وقته): داليا استنيني هنا في امور لازم نتكلم فيها هركبها تاكسي وارجع وشد رفيده وراه
وقف تاكسي
تميم: توصلها****
رفيده بغضب وحضرتك هتخلص اجتماعك ده امتي
تميم: ملكيش دعوه يلا اطلع ي سطاا
تميم: انتي كمان هنا ماشي لما ارجع بس
في الداخل
تميم:افهميني ي داليا لازم اعاملها كويس امال اضربها يعني واقولها هطلقك علشان تروح تقول لجدي
داليا: انت خايف منه كده لي
تميم: مش خايف بس ممكن يمنعني من الورث واحلامك الي انتي بنياها عليها تضيع وانا عاوزه احققهالك
داليا: بطمع بجد ي تميم
تميم بخبث: بجد ي روح تميم
داليا: طيب ي تميم بس ياريت تخلص بسرعه ي حبيبي لاني مش قادره شوفك معاها
تميم: مين قال بس ان انا معاها انا قلبي معاكي انتي
في البيت
رنا: اهدي خليني اعرف افكر انت موتراني
رفيده: لا وسايب انه قاعد مع العقربه دي ويقولي حسابنا في البيت اااه هيشليني
رنا: دا انا الي هتشل منك
هدي: مالكوا بتصرخوا لي
رفيده بانفعال شوفتي ابنك ي هدي وعمايله متزعليش لما اقتلهولك
هدي بخضه تميم ماله تميم عمل اي
رنا: مفيش ي ماما هيا بس مضايقه علشان نزل اول يوم وسابها
هدي: معلش ي حبيبتي هو كان وراه اجتماع مهم في الكليه ولازم يحضره
رفيده: بخفوت اجتماع مهم ولا اجتماع سري مع العقربه دي ماشي ي تميم اما علمتك الادب
رنا: احنا هنطلع ي ماما رفيده تقيس الي اشترناه
رنا: تعالي ي رفيده قيسي الفستان ده وريه لماما
رفيده بصوت واطي بس ي رنا ده قصير واخوكي زمانه جاي
رنا: م يجي ي ختي هو حد غريب انا عارفه هو عايش معاكي ازاي قومي انجزي وفكي الطرحه وافردي شعرك
رفيده: حاضر براحه
بعد فتره
خرجت كانت لسه فستان اسود لبعد الركبه بشويه وكت وفارده شعرها اسود فحمي لحد ضهرها
رنا: يلهوووي اي القمر ده
هدي: بسم الله مشاء الله اللهم بارك. شايفه مش العقربه الي بيحبها اخوكي
تميم بتصفير من وراهم: عندنا ضيوف النهارده ولا اي
رفيده قفلت باب الاوضه بسرعه
